គ្រប់កីឡាករចំបាប់កម្ពុជាគួរពិចារណាចំណុចខ្វះខាតទាំងនេះ

2019-01-10 03:50:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមាសចំបាប់ស៊ីហ្គេម២០១៣ លោក ឌន សៅ ផ្ដាំផ្ញើទៅកីឡាករចំបាប់ជំនាន់ក្រោយ ទាំងកីឡាករជម្រើសជាតិ និងមិនជាប់ជម្រើសជាតិក្ដី ឲ្យចេះស្ដាយឱកាសក្នុងពេលប្រកួត និងប្រឹងប្រែងហ្វឹកហាត់បង្កើនកម្លាំងឲ្យបានខ្លាំងមុនចូលរួមប្រកួតព្រឹត្តិការណ៍នានា។

ឌន សៅ កំពុងបង្ហាត់សិស្ស

លោក ឌន សៅ ដែលជាគ្រូថ្នាលកីឡាចំបាប់កម្ពុជាបានឲ្យដឹងថា សព្វថ្ងៃគ្រប់កីឡាករ កីឡាការិនីចំបាប់កម្ពុជា មានចំណុចខ្វះខាតធំបំផុតគឺកម្លាំង និងមិនចេះស្ដាយឱកាសពេលកំពុងប្រកួត។ ការចូលវ៉ៃ ត្រូវស្គាល់ឱកាស នៅពេលដៃគូថយហើយ ត្រូវតែដេញតាម ដើម្បីវ៉ៃយកពិន្ទុឲ្យបាន ប៉ុន្តែកីឡាករកម្ពុជានៅស្ទើរចំណុចទាំងអស់នេះ។

ការហ្វឹកហាត់កម្លាំងក៏ជារឿងចាំបាច់បំផុតសម្រាប់កីឡាមួយនេះ។ បើសិនកម្លាំងស្ទើរ មិនអាចកាច់ដៃគូបាន ភាគរយយកឈ្នះដៃគូនឹងមានតិចបំផុត។ បើសិនកម្លាំងចាញ់ដៃគូហើយ បើទោះវ៉ៃឈ្នះក៏ស្ថិតក្នុងស្ថានភាពមួយលំបាកខ្លាំងដែរ។ កម្លាំង និងបច្ចេកទេសជាកត្តាសំខាន់បំផុតសម្រាប់កីឡាចំបាប់។ លោកបន្ថែម។

ក្នុងអាជីពជាកីឡាករចំបាប់ ឌន សៅ ធ្លាប់ឈ្នះមេដាយមាសស៊ីហ្គេម១ ប្រាក់១ សំរឹទ្ធ៤ និងឈ្នះមេដាយមាស៤ និងសំរឹទ្ធ១ពីការប្រកួតជើងឯកអាស៊ីអាគ្នេយ៏មុនពេលក្លាយជាគ្រូបង្វឹកចំបាប់ថ្នាលរយៈពេល៣ឆ្នាំហើយ៕

អត្ថបទ៖ ស្រី សុវណ្ណដារ៉ា