ញាក់សាច់! គង់ សំបូរ ប៉ះជើងខ្លាំងចិនធ្លាប់វ៉ៃសង្វៀន Glory នៅសិង្ហបុរី

2019-01-11 03:19:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ គង់ សំបូរ និងអ្នកលេងគុនចម្រុះ ខុន ស៊ីចាន់ ត្រូវបានសង្វៀនប្រដាល់ធំ ONE Championship រៀបចំឲ្យឡើងសង្វៀនថ្ងៃទី២២ ខែកុម្ភៈ ឆ្នាំ២០១៩នៅប្រទេសសិង្ហបុរីដែលកីឡាករកម្ពុជាទាំងពីររូបសុទ្ធតែប៉ះដៃគូខ្លាំងដូចគ្នា។

គង់ សំបូរ និង Zhang Chenglong

គង់ សំបូរ ដែលត្រូវបានគេមើលឃើញល្អតែទាត់នោះត្រូវបានផ្គូផ្គងឲ្យជួបជើងខ្លាំងរបស់ចិន Zhang Chenglong ក្នុងការប្រកួតលក្ខណៈសេរី។ កីឡាករចិនម្នាក់នេះជាអ្នកលេងប្រដាល់សេរីដ៏ល្អម្នាក់ដែលធ្លាប់វ៉ៃជាមួយកីឡាករថៃ ហើយធ្លាប់ឈ្នះជើងខ្លាំងចាស់វស្សាថៃ Senmanee ដែលធ្លាប់ផ្តួលផ្តួល វង្ស ណយ ឲ្យសន្លប់។

កីឡាករកម្ពុជា គង់ សំបូរ ក៏មានបទពិសោធច្រើននៅលើសង្វៀនដែរ ប៉ុន្តែបើនិយាយពីសន្ទុះចិត្តនៃការវ៉ៃលើសង្វៀនវិញមិនសូវគួរឲ្យចាប់អារម្មណ៍ប៉ុន្មានឡើយ។ រូបគេភាគច្រើនបំផុតប្រើតែរន្ទះជើងដើម្បីយកឈ្នះដៃគូ ខណៈកណ្តាប់ដៃ កែង និងជង្គង់មិនសូវប៉ុន្មានឡើយ។

ខុន ស៊ីចាន់ ពេលប្រកួតនៅ ONE ចុងក្រោយ

ជាមួយគ្នានេះ អ្នកលេងគុនចម្រុះកម្ពុជា ខុន ស៊ីចាន់ ត្រូវជួបកីឡាករ Rudy Agustian របស់ប្រទេសឥណ្ឌូណេស៊ី។ កីឡាករឥណ្ឌូណេស៊ីម្នាក់នេះវ៉ៃនៅ ONE បាន២ដង ឈ្នះទាំងពីរដង ហើយមានបទពិសោធច្រើន និងធ្លាប់ឈ្នះខ្សែក្រវាត់ថែមទៀត៕