Muller នឹងខកខានប្រកួតប៉ះនឹង Liverpool ទាំង ២ជើងនៅវគ្គ ១៦ក្រុមចុងក្រោយ UCL
- 2019-01-11 13:40:54
- ចំនួនមតិ 0 | ចំនួនចែករំលែក 0
Muller នឹងខកខានប្រកួតប៉ះនឹង Liverpool ទាំង ២ជើងនៅវគ្គ ១៦ក្រុមចុងក្រោយ UCL
ចន្លោះមិនឃើញ
ខ្សែប្រយុទ្ធក្លឹប Bayern Munich កីឡាករ Thomas Muller នឹងខកខានជួយក្លឹបរបស់ខ្លួនពេលប្រកួតប៉ះនឹងក្លឹប Liverpool ទាំង ២ជើងនៅវគ្គ ១៦ក្រុមចុងក្រោយនៃក្របខ័ណ្ឌកំពូលអឺរ៉ុប។
មូលហេតុនៃការខកខាននេះ គឺដោយសារតែរូបគេត្រូវពិន័យមិនឲ្យចូលលេង ២ប្រកួតបន្ទាប់ពីទទួលបានកាតក្រហមកំឡុងពេលប្រកួតប៉ះនឹងក្លឹបហុល្លង់ Ajax កាលពីខែធ្នូកន្លងទៅ។ នៅពេលនោះ Muller បានហក់ទៅធាក់ចំក្បាលខ្សែការពារស្លាបឆ្វេង Ajax កីឡាករ Nico Tagliafico ក្នុងគោលបំណងឆក់យកបាល់។
យ៉ាងណាក៏ដោយ កីឡាករអាល្លឺម៉ង់រូបនេះ បានបង្ហោះសារសុំទោសកីឡាករ Ajax នៅលើបណ្ដាញទំនាក់ទំនងសង្គមនៅក្រោយពេលចប់ការប្រកួត។
សូមបញ្ជាក់ផងដែរថា ការបានកាតក្រហមពេលនោះជាលើកទី ១ សម្រាប់ Muller ក្នុងអាជីពបាល់ទាត់របស់ខ្លួន។
Thomas Muller បានបង្ហាញខ្លួនក្នុងព្រឹត្តិការណ៍ UEFA Champions Leagueបាន ១០៧ប្រកួត និង រកគ្រាប់បាល់បាន ៤២គ្រាប់ក្នុងកម្មវិធីនោះ៕