Lamborghini ធ្វើរឿងមួយនេះបានដោយសារការចេញលក់ Urus

2019-01-13 06:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិន្នន័យនៃការលក់រថយន្តរបស់ក្រុមហ៊ុនផលិតរថយន្តស្ព័រអ៊ីតាលី Lamborghini បានកើនឡើងរហូតដល់ទៅ ៥១ ភាគរយឯណោះ ដោយមានតួលេខរថយន្តលក់ចេញដល់ទៅ ៥ ៧៥០ គ្រឿងនៅជុំវិញពិភពលោក។

តាមពិតទៅ ការកើនឡើងនៃការលក់យ៉ាងគំហុកនេះគឺដោយសារតែខ្លួនបានបញ្ចេញរថយន្ត SUV របស់ខ្លួនជាលើកដំបូង Lamborghini Urus ដែលបានចេញតាំងពីខែកុម្ភៈ ក្នុងឆ្នាំ ២០១៨ ហើយចំនួននៃការលក់មានដល់ ១ ៧៦១ គ្រឿងឯណោះ ក្នុងចំណោមរថយន្តសរុប ៥ ៧៥០ គ្រឿងដែលលក់ចេញទាំងអស់។

ការលក់រថយន្តម៉ូដែលផ្សេងទៀតដូចជា Aventador និង Huracan ក៏មានការកើនឡើងផងដែរ គឹ Huracan មានការកើនឡើង ៥ ភាគរយ ស្មើនឹង ២ ៧៨០ គ្រឿង និង Aventador មានការកើនឡើង ៣ ភាគរយ ស្មើនឹង ១ ២០៩ គ្រឿង។

ដោយសារតែមានដៃគូចែកចាយដល់ទៅ ១៥៧ ក្រុមហ៊ុន ក្នុង ៥០ ប្រទេសផ្សេងគ្នា ក្រុមហ៊ុនយក្សអ៊ីតាលីនេះ បានក្លាយទៅជាក្រុមហ៊ុនរថយន្តស្ព័រដែលមានទីផ្សារធំជាងគេបំផុតក្នុងសហរដ្ឋអាមេរិកក្នុងឆ្នាំ ២០១៨ ដែលការលក់ ១ភាគ៣ ត្រូវបានបញ្ជាទិញដោយប្រទេសមហាអំណាចមួយនេះ។

ចុចអាន៖

ប្រភព៖ carscoops ប្រែសម្រួល៖ ផាត សុវត្ថិ