Samsung ប្រាប់ពីថ្ងៃប្រកាសចេញ Galaxy S10 ថ្មីហើយ

2019-01-14 06:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីព្រឹត្តិការណ៍ CES ឆ្នាំ ២០១៩ ត្រូវបានបញ្ចប់ ព្រឹត្តិការណ៍ធំមួយទៀតគឺ Mobile World Congress (MWC) នឹងត្រូវចាប់ផ្ដើម នៅចុងខែកុម្ភៈ ឆ្នាំ ២០១៩ នេះ នៅឯទីក្រុង បាសេឡូណា ប្រទេសអេស្បាញ។ ទាក់ទិននឹងព្រឹត្តិការណ៍នេះ មានពាក្យចចាមអារ៉ាមជាច្រើនបានលើកឡើងថា Samsung នឹងបញ្ចេញកំពូលទូរសព្ទប្រចាំឆ្នាំរបស់ខ្លួនគឺ Galaxy S10 ជាទូរសព្ទគម្រប់ខួបដប់ឆ្នាំ នៅក្នុងត្រកូល S ចាប់តាំងពី Samsung បានផលិតមក។

យ៉ាងណាមិញ ខាង Samsung បានចេញមកមកប្រាប់ផ្ទាល់តែម្ដង ថាការប្រកាសចេញកំពូលទូរសព្ទរបស់ខ្លួននេះ មិនមែនធ្វើឡើងក្នុងព្រឹត្តិការណ៍ MWC នោះទេ តែ Samsung នឹងមានព្រឹត្តិការណ៍ Unpacked ផ្ទាល់ខ្លួនមួយនាថ្ងៃទី ២០ ខែកុម្ភៈ នៅឯទីក្រុង San Francisco មុន MWC រយៈពេល ៥ ថ្ងៃ។

ចាប់តាំងពីពេលចេញ Samsung Galaxy S8 មក Samsung មិនបានផ្លាស់ប្ដូររាងទូរសព្ទត្រកូល S ច្រើនឡើយ ដោយគ្រាន់តែកែសម្រួលទីតាំងកាមេរ៉ា បន្ថែមពណ៌ថ្មី និងបង្កើនសមត្ថភាពខាងក្នុងតែប៉ុណ្ណោះ។ ដូច្នេះហើយ តាមការសន្និដ្ឋានរបស់មហាជន Galaxy S10 នឹងត្រូវបានផ្លាស់ប្ដូររូបរាងថ្មី ដើម្បីទាក់ទាញអ្នកប្រើប្រាស់ឲ្យបានច្រើនជាងមុន ហើយអ្វីដែលលេចឮមកទៀតនោះ គឺអេក្រង់របស់ Galaxy S10 នឹងលាតពេញផ្ទៃខាងមុខតែម្ដង ដោយខ្លួននឹងបង្កប់កាមេរ៉ាសែលហ្វី នៅក្រោមអេក្រង់ផ្ទាល់តែម្ដង។

លើសពីនេះទៅទៀត បើតាមព័ត៌មានបែកធ្លាយ Samsung Galaxy S10 នឹងមានល្បឿនលឿនខ្លាំងដោយសារតែការប្រើប្រាស់ឈីបជំនាន់ចុងក្រោយ Snapdragon របស់ Qualcomm និង Exynos របស់ខ្លួន មានប្រើប្រព័ន្ធ 5G បំពាក់មកជាមួយនឹង RAM ដល់ទៅ ១២ GB និង មាន Sensor ស្កេនខ្ចៅដៃក្រោមអេក្រង់ទៀតផង។

ចុចអាន៖

ប្រភព៖ Bgr ប្រែសម្រួល៖ ផាត សុវត្ថិ