Liverpool អាចខាតប្រាក់ខ្ទង់រាប់លានបើ Coutinho ចេញពី Barca
- 2019-01-14 08:23:01
- ចំនួនមតិ 0 | ចំនួនចែករំលែក 0
Liverpool អាចខាតប្រាក់ខ្ទង់រាប់លានបើ Coutinho ចេញពី Barca
ចន្លោះមិនឃើញ
រឿងរ៉ាវចចាមអារ៉ាមការចង់ចាកចេញរបស់ Philippe Coutinho ពី Barcelona កាន់តែក្ដៅគគុកក្រោយកីឡាករសញ្ជាតិប្រេស៊ីលរូបនេះលែងស្ថិតនៅក្នុងក្រសែភ្នែកអ្នកចាត់ការ Ernesto Valverde។
ការអង្គុយកៅអីបម្រុងញឹកញាប់ និងលែងជាជម្រើសដំបូងបានធ្វើឲ្យកើតមានព័ត៌មានថា Coutinho កំពុងសម្លឹងរកទ្រនំថ្មីអាចទៅទឹកដីបារាំង Paris Saint Germain ជាមួយ Neymar ឬទៅ Manchester United នៅខែមករានេះ ដែលក្លឹបទាំងពីរសុទ្ធតែចង់បានរូបគេ។
បើសិនមានការចាកចេញមែននោះ Liverpool ដែលជាអាណាព្យាបាលចាស់អាចនឹងខាតបង់ប្រាក់ខ្ទង់រាប់លានដែលក្លឹបបានព្រមព្រៀងគ្នាជាមួយ Barcelona ក្នុងកិច្ចសន្យាផ្ទេរ Coutinho តម្លៃ១៤២លានផោន។ លក្ខខណ្ឌផ្សេងៗ Liverpool អាចបានប្រាក់បន្ថែមមានតម្លៃរហូតដល់២២លានផោន។
លក្ខខណ្ឌទាំងនោះមានដូចជា Liverpool នឹងបាន ៤,៤លានផោនបន្ថែមនៅរាល់ពេល Coutinho លេង២៥ប្រកួតឲ្យ Barcelona។ ការផ្ដល់នេះមានរយៈពេល៤លើកស្មើនឹង១០០ប្រកួត។ លក្ខខណ្ឌមួយទៀតគឺក្លឹបជើងឯកអង់គ្លេស១៨សម័យកាលនឹងបាន៤,៤លានផោនទៀតបើ Barca ឈ្នះ Champions League៕