Aperture និង Focal Length កម្រិតណា ល្អបំផុតសម្រាប់រូបភាព Portrait

2019-01-15 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផ្លាស់ប្ដូរ Aperture និង Focal length ចំពោះទិដ្ឋភាព ធ្វើឲ្យ Subject មានសភាពខុសគ្នា។ ពីរចំណុចនេះ ទាក់ទងខ្លាំងនឹងលទ្ធផលថតរូប Portrait។

Aperture ល្អប្រើ

Aperture ចំហទូលាយ ដូចជា f/4 ឬ f/2.8 ឬ (បើប្រើ Fast Prime Lens ដូចជា f/1.8 ឬ f/1.4) អាចបង្កើតជម្រៅទិដ្ឋភាពរាក់ល្អ ដោយមានផ្ទៃខាងក្រោយព្រាល និងរក្សា Subject ច្បាស់។ យ៉ាងណាមិញ ពេលថតគួរប្រាកដថាបានចាប់ចំណុច Focus លើភ្នែក ដើម្បីបង្កើនកម្រិតទាក់ទាញ។

Aperture f/8 ផ្តល់កម្រិតជម្រៅទិដ្ឋភាពរាក់ល្មម អាចបែកចែកផ្ទៃខាងក្រោយបាន ខណៈរក្សារូបភាពអាចមើលយល់រវាងផ្ទៃខាងមុខ និងខាងក្រោយ។

Aperture ស្ថិតនៅលើលេខធំ (f/22) គ្រប់យ៉ាងនៅក្នុងរូបភាព មានភាពច្បាស់។ ពេលថតប្រើ Aperture ចំហតូច ត្រូវការប្រើ Shutter Speed ល្បឿនយឺតដែលចាំបាច់ត្រូវប្រើ Tripod បញ្ចៀសភាពព្រាល ឬបង្កើនកម្រិត ISO ប៉ុន្តែអាចបង្ហាញចេញ Noise បាន។

Focal Length ល្អប្រើ

Lens ប្រភេទ Wide-angle 24mm ពេលថតកៀកពេករូបច្រមុះ និងថ្ងាសទាញបង្ហាញធំ។ Lens ប្រភេទនេះមិនល្អនោះទេ ពេលថតរូបមួយកំណាត់លើ ប៉ុន្តែល្អពេលថត Portrait មាននរណាផ្សេងទៀតបង្ហាញក្នុងប្លង់ថត។

Lens មាន Focal Length កម្រិត 56mm លើកាមេរ៉ាមាន Sensor APS-C ឬ 85mm លើម៉ូដែល Full-frame មានការចូលចិត្តប្រើច្រើនពីសំណាក់ជាងថត។ Lens 85mm ផ្តល់ចម្ងាយសមល្មមរវាង Subject និងជាងថត ងាយស្រួលផ្ដិតយករូបភាព។

Lens ប្រភេទ Telephoto 200mm ជាជម្រើសដ៏ល្អក្នុងការថតរូប Portrait ងាយស្រួលបង្កើតផ្ទៃខាងក្រោយព្រាល ហើយបូកផ្សំនឹងការប្រើ Aperture ចំហធំ ដូចជា f/2.8 លទ្ធផលកាន់តែទាក់ចិត្ត៕