ខ្វះអ្វីបាន ប៉ុន្តែឧបករណ៍ ៣ នេះម្ចាស់កាមេរ៉ា DSLR ពុំគួរខ្វះនោះទេ

2019-01-15 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតណាស់ ត្រឹមតែមានតួកាមេរ៉ា និងឡេន ១ ឬ ២ គ្រាប់ក៏អាចផ្ដិតរូបបានល្អដែរ ប៉ុន្តែឧបករណ៍បន្ទាប់បន្សំបំពាក់បន្ថែមអាចជំរុញលទ្ធផលនៃរូបថតរបស់អ្នក ឡើងមួយកម្រិតទៀត។

ឧបករណ៍ភ្ជាប់ប្រើមានច្រើន ប៉ុន្តែយ៉ាងហោចណាស់ របស់បីនេះ ម្ចាស់កាមេរ៉ាគួរមានជារបស់ខ្លួនឯងផ្ទាល់។

១) Tripod

លំនឹងមានភាពសំខាន់ណាស់ចំពោះលទ្ធភាពរូបភាព ឬវីដេអូ ហើយក៏ធ្វើឲ្យការថតងាយស្រួល មិនហត់នឿយកាន់ ពេលផ្ដិតយកទិដ្ឋភាពរយៈពេលយូរ។ Tripod មិនមានថ្ម ហើយក៏មិនហួសស៊េរីប្រើដែរ ជារួម អ្នកអាចប្រើវា បានយូរស្រួល និងយូរអង្វែងបើអ្នកចេះទុកដាក់បានត្រឹមត្រូវ។

២) Microphone

ជាការរំខានមួយដែរ បើវីដេអូមានសំឡេងខ្សឹបៗ រកស្តាប់មិនបាន ឬក៏ឮខ្លាំងពេក។រូបភាពច្បាស់សំខាន់ជារឿងមួយ ប៉ុន្តែសំឡេងយ៉ាងហោចណាស់ក៏ ៥០% ដែរ ដើម្បីកំណត់ថា គុណភាពការផលិតវីដេអូរបស់អ្នក គឺជាវីដេអូល្អ។ មានឧបករណ៍ស្រូបសំឡេងល្អ បូកផ្សំជាមួយការរៀបចំសាច់រឿងបានល្អទៀត នឹងទាក់ទាញអ្នកទស្សនាបានច្រើន។

៣) អំពូល LED

បើចង់បង្ហាញទិដ្ឋភាពច្បាស់ល្អ ជាពិសេសទីកន្លែងខ្វះពន្លឺ មិនគួរមើលរំលង ដុំអំពូល LED ឡើយ។

មួយវិញទៀត កាបូបដាក់កាមេរ៉ា ក៏មានតម្រូវការចាំបាច់មួយដែរ ងាយស្រួលរៀបចំទុកដាក់ និងធ្វើដំណើរ ជាមួយតួកាមេរ៉ា, Lens, ថ្ម និងឧបករណ៍តូចៗមួយចំនួនទៀតមិនឲ្យរញ៉េរញ៉ៃ ងាយស្រួលធ្វើការងារ៕