បើបណ្ដាក់ទុន ១ ពាន់ដុល្លារលើ Netflix ឆ្នាំ ២០០៧ បច្ចុប្បន្នអាចកើបប្រាក់ចំណេញលើគោក

2019-01-16 13:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Netflix បានប្រកាសកាលពីថ្ងៃអង្គារកន្លងទៅថាភាគហ៊ុនរបស់ខ្លួនមានការកើនឡើងលើសពី ៦ ភាគរយ ពោលគឺក្នុងឆ្នាំ ២០១៨ កន្លងទៅក្រុមហ៊ុនផ្តល់សេវាកម្មផ្សាយវីដេអូដ៏ធំមួយនេះបានទទួលជោគជ័យធំជាងបណ្តាក្រុមហ៊ុនដទៃដែលស្ថិតក្នុងភាគហ៊ុន FAANG រួមមាន Facebook, Apple, Amazon, Netflix និង Google។

យោងតាមគណនាចេញពី CNBC បានបង្ហើបថាប្រសិនអ្នកបានបណ្តាក់ទុនចំនួន ១ ០០០ ដុល្លារ ជាមួយ Netflix ក្នុងឆ្នាំ ២០០៧ នោះមកទល់បច្ចុប្បន្នគិតត្រឹមថ្ងៃទី ១៥ មករា នឹងមានតម្លៃកើនឡើងដល់ទៅ ៩០ ០០០ ដុល្លារ ។ ក្រុមហ៊ុនយក្សមានមូលដ្ឋាននៅសហរដ្ឋអាមេរិកបានហែលកាត់ការប្រកួតប្រជែងជាមួយបណ្តាក្រុមហ៊ុនកំពូលដទៃទៀតដូចជា Amazon, Apple, Disney និង NBCUniversal ដែលមានផ្តល់សេវាកម្មនិងមាតិកាផ្សាយផ្ទាល់ស្រដៀងគ្នានេះ។

នេះជាលើកទីបួនហើយដែល Netflix មានការកើនឡើងនូវតម្លៃសេវាកម្ម ចន្លោះពី ១៣ ដល់ ១៨ ភាគរយទាំងសម្រាប់អតិថិជនចាស់និងថ្មី។ យ៉ាងណាមិញយោងតាមការព្យាករណ៍ពី Wall Street បានជឿជាក់ថាតម្លៃនេះនឹងគ្មានការធ្លាក់ចុះនោះទេ ពោលគឺអតិថិជននឹងនៅតែបន្តចំណាយច្រើនលើសដើម។

កាលពីត្រីមាសចាស់ Netflix ធ្លាប់រាយការណ៍ពីចំនួន Subscriber របស់ខ្លួនក៏មានការកើនឡើងផងដែរ ដល់ទៅជិត ១១ ភាគរយធៀបនឹងឆ្នាំចាស់ ដែលសរុបបានអ្នកប្រើប្រាស់ប្រមាណ ៥៨ លាននាក់ក្នុងទឹកដីសរហដ្ឋអាមេរិក។