បើខ្វះរបស់សំខាន់ទាំង ១០ នេះដាច់ខាត Kris Wu មិនអាចរស់បានឡើយ
- 2019-01-17 04:34:33
- ចំនួនមតិ 0 | ចំនួនចែករំលែក 0
បើខ្វះរបស់សំខាន់ទាំង ១០ នេះដាច់ខាត Kris Wu មិនអាចរស់បានឡើយ
ចន្លោះមិនឃើញ
បន្ទាប់ពីបានចាកចេញពីផលិតកម្ម SM ក៏ដូចជា EXO ហើយ Kris ក៏បានវិវត្តខ្លួនក្លាយជាតារាទោលនៅក្នុងប្រទេសចិនវិញ ក្នុងនាមជាតារាចម្រៀង និងសម្ដែង។
អំឡុងពេលផ្ដល់បទសម្ភាសជាមួយនឹង GQ តារាប្រុសរូបនេះបានទម្លាយការពិតជាច្រើន ដែលសុទ្ធជាអ្វីដែលអ្នកគាំទ្រភាគច្រើនមិនធ្លាប់បានដឹង។ ជាក់ស្ដែងពេលនោះតារាប្រុសកើតឆ្នាំ ១៩៩០នេះ បានបង្ហើបពីរបស់ ១០យ៉ាងដែលលោកមិនអាចរស់នៅដោយគ្មានវាបាន។ តើមានអ្វីខ្លះ? មកដឹងដូចតទៅ៖
១. ចង្កឹះ
លោកញ៉ាំអាហារបានច្រើនណាស់ ពេលណាក៏ដោយឲ្យតែប្រើចង្កឹះ ដូចនេះវាជារបស់ម្យ៉ាងដែលលោកចូលចិត្ត។
២. ខោក្នុងម៉ាក Supreme Boxer
Kris ថាលោកចូលចិត្តវាបំផុត ព្រោះពេលស្លៀក វាផ្ដល់ផាសុកភាព ផ្ដល់អារម្មណ៍ល្អ ម្យ៉ាងវាក៏ជាម៉ូដកាលីបដែរ។
៣. ខ្សែកបន្តោងរូបតោ
Kris ចាត់ទុកវារបស់សំខាន់មួយដែរ ព្រោះថាខ្សែកមួយខ្សែនេះមានតែមួយគត់នៅលើលោកដែលឆ្លុះបញ្ចាំងពីវប្បធម៌ចិនពិតៗ និងច្នៃឡើងក្នុងប្រទេសចិន។
៤. នាឡិកាដៃ (ម៉ាក Bvlgari)
Kris Wu និងនាឡិកាដៃនេះនៅជាមួយគ្នារយៈពេលយូរមកហើយ។ គ្រប់ពេលទៅណាមកណា Kris តែងពាក់វាជានិច្ច។
៥. កាស
ជារបស់ដែល Kris ប្រាប់ខ្លួនឯងថាត្រូវតែមាន ពិសេសខណៈខ្លួនជាតារាម្នាក់ដែរ។
៦. MacBook
ជារឿងងាយស្រួលថែមមួយកម្រិត នៅពេលលោកមាន MacBook ក្នុងដៃ។ សំខាន់លោកអាចធ្វើបទចម្រៀងបានដោយងាយស្រួលគ្រប់ពេលវេលា។
៧. ម៉ាស់
នៅក្នុងប្រទេសចិន ម៉ាស់ពិតជាពេញនិយមបំផុត។ សម្រាប់លោកវាសំខាន់ណាស់ ដោយសារពេលលោកចង់លាក់មុខពីសាធារណជន លោកអាចពាក់វា។ Kris ថា ប្រមាណ ៩០ភាគរយនៃតារាចិន សុទ្ធតែមានម៉ាសគ្រប់គ្នា ដើម្បីគេចមុខពីមហាជនពេលចេញក្រៅជាលក្ខណៈឯកជនម្ដងៗ។
៨. វ៉ែនតា
លោកចូលចិត្តពាក់វ៉ែនតា ដែលរំលេចពណ៌ស្រាលតិចៗ មើលទៅវាបង្កើនភាពទាក់ទាញថែមមួយកម្រិត។
៩. កាបូប
វាជារបស់ដែល Kris តែងយកជាប់ខ្លួន និងមិនអាចខ្វះបាន ព្រោះលោកអាចទុកទូរសព្ទ កាស និងវត្ថុសំខាន់ផ្សេងទៀត។ វាក៏រាប់បញ្ចូលថាជាស្ទីលប្រចាំខ្លួនដែរ ស្ពាយកាបូបនេះចេញក្រៅម្ដងៗ។
១០. ផ្លិត
នៅលើផ្លិតនោះ ម្ខាងមានឈ្មោះជាភាសាចិនរបស់ Kris ហើយម្ខាងទៀតមានឈ្មោះក្រុមអ្នកគាំទ្រ ព្រមទាំងចំណងជើងបទចម្រៀងមួយក្នុងអាល់ប៊ុមទោល ដែលមានន័យថា កុំវាយតម្លៃមនុស្សនៅពេលឃើញជាលើកដំបូង។ ផ្លិតនេះដែរគឺជាកាដូពីអ្នកគាំទ្រ៕