ក្រុមចម្រៀងអន្តរជាតិមួយក្រុម នាំមកទស្សនីយភាពថ្មីសម្រាប់តន្ត្រីឯករាជ្យនៅភ្នំពេញ

2019-01-17 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វិស័យតន្ត្រីចម្រៀងនៅកម្ពុជាកំពុងតែមានសន្ទុះយ៉ាងខ្លាំងគួរឲ្យកត់សម្គាល់ មិនថាជាពីបណ្ដាផលិតកម្មធំៗ បណ្ដាតារាចម្រៀង Original ក្នុងនោះក៏មានក្រុមចម្រៀងបរទេសជាច្រើនផងដែរ បង្កើតជាហូរហែនៅទីក្រុងភ្នំពេញ។ នេះមិនមែនជាលើកដំបូងនោះទេដែល Sabay បានបង្ហាញពីបណ្ដាតារានិងក្រុមចម្រៀងបែបអន្តរជាតិបែបនេះ ដោយក្រុមចម្រៀង "Hypnotic Fist Technique” ទើបតែជួបជាមួយ Sabay ប៉ុន្តែលើកនេះនឹងណែនាំនូវក្រុមចម្រៀងថ្មីមួយក្រុម ដែលមានឈ្មោះថា "The Goldilocks Zone”។

ក្រុមចម្រៀងនេះទើបតែបង្កើតថ្មីៗក្នុងរយៈពេលប៉ុន្មានខែមកនេះ ដោយមានសមាជិក៥រូប គឺ លោក Jesse Ricketson មកពីប្រទេសអូស្រ្តាលី Hansley Bhikari មកពីប្រទេស Mauritius ទីតាំងនៅទ្វីបអាហ្វ្រឹក Ronan Sheehan និង Ruadhan O Deasmhúnaigh មកពីប្រទេសអៀកឡង់ និង Jack Dodd មកពីចក្រភពអង់គ្លេស។ គូសបញ្ជាក់ថានេះគឺជាឈ្មោះថ្មីរបស់ពួកគេ ដែលបណ្ដាអ្នកចូលចិត្តចម្រៀងបែបឯករាជ្យនៅភ្នំពេញធ្លាប់តែស្គាល់ថាជាក្រុមចម្រៀង "Complicated Business” បង្កើតកាលពីជាង២ឆ្នាំមុន។

បម្លែងពីក្រុមចាស់ "Complicated Business” ដែលផ្ដោតសំខាន់ទៅលើការចម្រៀងចម្រៀងបែប Acoustic និង Cover ពេលនេះ "The Goldilocks Zone” ផ្ដោតទៅលើការផលិតចម្រៀងដែលមានគុណភាពនិងនាំយកអ្វីដែលថ្មីមកឲ្យអ្នកគាំទ្រ។ ដោយសារតែនៅទីក្រុងភ្នំពេញសព្វថ្ងៃនេះសម្បូរទីតាំងសម្រាប់សម្ដែងតន្ត្រីបែបឯករាជ្យនេះដូចជាតំបន់ទួលទំពូង និង Bassac Lane ជាដើម ដូច្នេះតន្ត្រីបែបនេះងាយស្រួលក្នុងការគួបផ្សំទាំងក្រុមបរទេសនិងក្រុមក្នុងស្រុកដូចជា "ក្មេងសម្រែ" និង "Vartey Ganiva” ជាដើម។

ក្រុមចម្រៀងនេះទទួលយកឥទ្ធិពលនៃស្ទីលចម្រៀងបែប Pop ប៉ុន្តែក៏លាយបញ្ចូលគ្នាជាមួយចង្វាក់រ៉ុកផងដែរ។ ដោយសារតែសមាជិកក្រុមនេះសុទ្ធតែប្រកបទៅដោយអ្នកមានទេពកោសល្យ ទាំងខាងនិពន្ធបទភ្លេង និងតែងទំនុកច្រៀង។ ក្នុងនាមជាក្រុមចម្រៀងនៅកម្ពុជា សមាជិកក្រុម "The Goldilocks Zone” ក៏បានបញ្ជាក់ប្រាប់ Sabay ថាពួកគេចង់ចូលរួមឲ្យវិស័យតន្ដ្រីនៅកម្ពុជាកាន់តែរីកចម្រើន និងនៅតែកោតសរសើរនូវរាល់តន្ដ្រីខ្មែររជ្ជកាលមាសកាលពីទសវត្សទី៦០និង៧០។

ក្រុមចម្រៀងនេះក៏ទើបតែនឹងបញ្ចេញបទចម្រៀងថ្មី "Last Scream" ផងដែរ ដោយអាចស្ដាប់បាននៅតំណរនេះ និងត្រៀមចេញបទថ្មីជាបន្តបន្ទាប់និងអាល់ប៊ុមដំបូងផងដែរ។

បើចង់ដឹងកាន់តែច្បាស់ ទស្សនាវីដេអូសម្ភាសន៍ខាងក្រោម៖

រូបថតប្រើក្នុងអត្ថបទ ពី Steve Porter និង Arvin Mamhot

អត្ថបទ៖ ធារ៉ូ