លក់ iPhone បានតិច រោងចក្រផ្គត់ផ្គង់ iPhone បញ្ឈប់បុគ្គលិក ៥០០០០ នាក់

2019-01-20 06:28:00
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណថ្មីបានឲ្យដឹងថា រោងចក្រផ្គត់ផ្គង់ iPhone ដ៏ធំមួយបានសម្រេចបញ្ឈប់បុគ្គលិកក្នុងចំនួនដ៏ច្រើនជាង ៥០០០០ នាក់តាំងពីខែតុលាឆ្នាំ ២០១៨។

ប្រភពដដែលបានបញ្ជាក់ថា មូលហេតុធំដែលឲ្យ Foxconn កាត់បន្ថយចំនួនបុគ្គលិកក្នុងចំនួនដ៏គួរឲ្យភ្ញាក់ផ្អើលនេះ ព្រោះតែការបញ្ជាទិញ និងការលក់ iPhone របស់ក្រុមហ៊ុន Apple មានការធ្លាក់ចុះនាឆ្នាំកន្លងទៅ។

ជាងនេះទៀត មិនមែនតែក្រុមហ៊ុន Foxconn នោះទេដែលធ្វើការកាត់បន្ថយកម្លាំងពលកម្មដ៏ច្រើន នៅឆ្នាំ ២០១៨ ក្រុមហ៊ុន Pegatron ជាក្រុមហ៊ុនដៃគូធំទីពីររបស់ Apple ត្រូវបានគេរាយការណ៍ថាបានកាត់បន្ថយកម្លាំងពលកម្មក្នុងចំនួនច្រើនផងដែរ ដោយក្នុងចំណោមបុគ្គលិកកំពុងបម្រើការប្រមាណជា ២០ ម៉ឺននាក់ ត្រូវបានកាត់បន្ថយក្នុងមួយខែៗរាប់ពាន់នាក់ រហូតដល់ចំនួនឡើងដល់ប្រមាណជា ១០ ម៉ឺននាក់។

លើសពីនេះទៀត ដោយសារតែសង្គ្រាមពាណិជ្ជកម្មរវាងចិន និងអាមេរិក បានធ្វើឲ្យរោងចក្រដៃគូរបស់ Apple ចំនួន ១២ ទៀត និងក្រុមហ៊ុនធំៗដែលរកស៊ីក្នុងទីផ្សារបច្ចេកវិទ្យាបានថយចុះបរិមាណការលក់ផលិតបច្ចេកវិទ្យា និងកាត់បន្ថយសង្វាក់ជាច្រើនដូចគ្នាផងដែរ៕