Apple ទើបតែបញ្ចេញ iOS 12.1.3 ដឹងថាមានអ្វីកែប្រែខ្លះ?

2019-01-23 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃអង្គារនេះ Apple ទើបតែបញ្ចេញកំណែ iOS 12.1.3 ថ្មីសម្រាប់ iPhone, iPad និង HomePod ដែល Software ថ្មីនេះនឹងជួយបំបាត់ចន្លោះប្រហោងក្នុងកំណែមុន ដែលបង្កើតជាភាពមិនប្រក្រតីនានា នៅក្នុងឧបករណ៍ទាំង ៣ នោះ។

សម្រាប់ iPhone និង iPad កំណែ iOS 12.1.3 នឹងជួយកែប្រែនូវចន្លោះប្រហោងដូចជា៖

បញ្ហាពេលចូលក្នុងកម្មវិធី Messages នៅពេលអូសមើលរូបភាពក្នុង Detail របស់សារ
បញ្ហាដែលអាចឲ្យកម្មវិធី CarPlay របស់ Apple នៅក្នុងរថយន្តផ្ដាច់ពី iPhone XR, iPhone XS និង iPhone XS Max ដោយស្វ័យប្រវត្តិ
បញ្ហាដែលអាចធ្វើឲ្យសំឡេងបែករ៉ែ នៅពេលដែល iPad Pro ភ្ជាប់ទៅនឹងឧបករណ៍បំពងសំឡេងខាងក្រៅ
បញ្ហារូបភាពដែលផ្ងើចេញពី Share Sheet មានឆ្នូត

សម្រាប់ HomePod វិញ iOS 12.1.3 នឹងជួយកែប្រែចន្លោះប្រហោង ដែលអាចបណ្ដាលឲ្យ HomePod បិទបើកឡើងវិញដោយខ្លួនឯង និងបញ្ហាមួយទៀតដែលអាចបណ្ដាលឲ្យ Siri លែងស្ដាប់សំឡេងបញ្ជារបស់អ្នកប្រើប្រាស់។

ក្នុងនោះផងដែរ Apple ក៏បានបញ្ចេញ WatchOS 5.1.3 ផងដែរ ដែលខ្លួនបានអះអាងថា នឹងកែប្រែចន្លោះប្រហោងនានា។

ចុចអាន៖

ប្រភព៖ Cnet ប្រែសម្រួល៖ ផាត សុវត្ថិ