មកដឹង ជីវប្រវត្តិ Victoria Bechkham មិនត្រឹមជាភរិយាតារាបាល់ទាត់ ថែមទាំងមានឥទ្ធិពលខ្លាំងនៅអង់គ្លេស

2019-01-25 08:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Victoria Caroline Beckham ដែលត្រូវបានគេស្គាល់ថាជាភរិយារបស់កំពូលតារាបាល់ទាត់ David Bechkham គឺជាបុគ្គលដ៏មានឥទ្ធិពលម្នាក់នៅអង់គ្លេស។

អ្នកស្រី Victoria Beckham បានកើតនៅថ្ងៃទី ១៧ ខែមេសាឆ្នាំ ១៩៧៤ ក្នុងទីក្រុង Essex ប្រទេសអង់គ្លេសដែលមានម្ដាយឈ្មោះ Jacqueline Doreen ជាបុគ្គលិកធានារ៉ាប់រ៉ង និងឪពុក Anthony William Adams ជាវិស្វករអេឡិចត្រូនិក។ កើតនៅក្នុងគ្រួសារដែលមានឋានៈមធ្យម Victoria Beckham ត្រូវបានបញ្ជូនទៅរៀននៅសាលា The Jason Theatre ដែលអ្នកស្រីសិក្សាពីការរាំ និងការដើរម៉ូដតាមក្ដីស្រលាញ់របស់ខ្លួន។ នៅក្នុងឆ្នាំ ១៩៩៣ Victoria ត្រូវបានជ្រើសរើសឲ្យចូលក្រុម Spice Girl ដែលបានក្លាយជាក្រុមរាំកំពូលក្នុង ២៩ប្រទេស និងទទួលបានជោគជ័យខ្លាំងក្នុងឆ្នាំ ២០០៧។

ថ្វីបើអ្នកស្រីទទួលភាពល្បីល្បាញដោយសារជាសមាជិកក្នុងក្រុមរាំ Spice Girl ក្ដី ជោគជ័យរបស់អ្នកស្រី Victoria ជោគជ័យសព្វថ្ងៃរបស់ Victoria បានមកពីការច្នៃម៉ូដសំលៀកបំពាក់, ការលក់វែនតា និងទឹកអប់ផងដែរ។ នៅក្នុងឆ្នាំ ២០០៨ ដោយមានចំណាប់អារម្មណ៍ផ្នែកខាងម៉ូតសំលៀកបំពាក់ Vitoria បានបញ្ចេញឈុតសំលៀកបំពាក់ដំបូងបង្អស់របស់ខ្លួន Silhouette Enhancing។ លើសពីនេះទៀត អ្នកស្រីត្រូវបានជាប់ឈ្មោះជាស្ត្រីដែលមានឥទ្ធិពលបំផុតក្នុងចំណោម ១០០នាក់នៅចក្រភពអង់គ្លេស។

គួរឲ្យដឹងថា អ្នកស្រី Victoria បានរៀបការជាមួយកំពូលតារាបាល់ទាត់ពិភពលោក David Beckham កាលពីឆ្នាំ ១៩៩៩ និងបង្កើតបានកូន ៤នាក់ ៖ Brooklyn Joseph, Romeo James, Cruz David និង Haper Seven។ សព្វថ្ងៃនេះ Victoria និងស្វាមីរបស់ខ្លួន ត្រូវបានគេប៉ាន់ប្រមាណថាមានទឹកប្រាក់សរុប ៤៥០ លានដុល្លារ៕