គេរិះគន់ខ្លាំងពេក Apple សម្រេចឲ្យរង្វាន់ជាសាច់លុយ ដល់អ្នកប្រកួតថតរូប

2019-01-26 03:05:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអង្គារកន្លងទៅ Apple បានប្រកាសពីការប្រកួតថ្មី ដើម្បីស្វែងរកជើងខ្លាំង ១០ រូបអាចថតរូបដោយប្រើ iPhone បានស្អាតជាងគេ។

លក្ខន្តិកចាស់

កម្មវិធីប្រកួតនេះរងការរិះគន់ជាខ្លាំងនៅលើបណ្ដាញអ៊ីនធឺណិត ជាពិសេសក្រុមអ្នកស្រឡាញ់ការថតរូប ដោយសារក្នុងលក្ខន្តិកមិនមានបញ្ជាក់ថាផ្ដល់ជាប្រាក់រង្វាន់ដល់អ្នកឈ្នះនោះទេ។ Apple គ្រាន់តែបញ្ជាក់ថា ប្រសិនបើរូបភាពណាមួយត្រូវបានជម្រើសរើសដើម្បីប្រើលើផ្ទាំងពាណិជ្ជកម្ម នោះម្ចាស់រូបភាពត្រូវតែយល់ព្រមផ្ដល់សិទ្ធិផ្ដាច់មុខឲ្យ Apple ប្រើប្រាស់បានពេញមួយជីវិត។

លក្ខន្តិកថ្មី

ក្រោយទទួលរងការរិះគន់យ៉ាងចាស់ដៃ Apple សម្រេចធ្វើការផ្លាស់ប្ដូរលក្ខន្តិក ដោយបានសរសេរថា ៖ "Apple ជឿជាក់ថាសិល្បករគួរតែទទួលបានប្រាក់កម្រៃពីការងាររបស់ខ្លួន។ អ្នកថតរូបដែលជាម្ចាស់រូបភាពឈ្នះទាំង ១០ សន្លឹក នឹងទទួលបានប្រាក់កម្រៃខាងអាជ្ញារប័ណ្ណ លើការប្រើប្រាស់រូបភាពលើផ្ទាំងពាណិជ្ជកម្ម និងការផ្សព្វផ្សាយតាមបែបផែនដទៃទៀតរបស់ Apple"៕

ប្រភព៖ petapixel ប្រែសម្រួល៖ សុខហេង