បឺត ខាំ ប្រាប់តិចនិកខ្លះៗដល់ ចិត្រា ពេលវ៉ៃនៅ One ខែក្រោយ

2019-01-29 08:38:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជើងខ្លាំងគុនខ្មែរ បឺត ខាំ បានលើកឡើងលើបណ្ដាញសង្គមហ្វេសបុកផេកផ្ទាល់ខ្លួន ពីតិចនិកវ៉ៃមួយចំនួនដល់សិស្សប្អូន ឡៅ ចិត្រា នៅពេលដែលឡើងសង្វៀន One នាខែកុម្ភៈ ឯប្រទេសថៃពេលខាងមុខនេះ។ អ្នកប្រដាល់វ៉ៃក្បាច់ និងជាកីឡាករពូកែគេចរូបនេះបញ្ជាក់ថា ភាគរយដែល ចិត្រា អាចឈ្នះកីឡាករថៃ Superlek គឺតិចណាស់ ហើយបើចង់វ៉ៃឲ្យសន្លប់រឹតតែពិបាក។ គេល្អទាត់ និងធាក់។

អ្វីដែល ឡៅ ចិត្រា គួរធ្វើនោះគឺវ៉ៃសន្សំពិន្ទុ ម៉ាត់ឲ្យលឿនៗ និងបោះជង្គង់កាត់ពេលគេវ៉ៃកែង ហើយគេចការទាត់ពីដៃគូ នៅពេលមានឱកាសចូលប្ដូរកែង បើថៃបែកមានសង្ឃឹមឈ្នះហើយ។ «ស៊ូៗឡើងប្អូនឱកាសយើងហើយ។»

អត្តន័យលើហ្វេសបុកផេករបស់ បឺត ខាំ

រំលឹកដែរថា កីឡាករ ឡៅ ចិត្រា នឹងត្រូវចូលរួមការប្រកួតមិត្តភាពអន្តរជាតិនៅប្រទេសថៃ នាថ្ងៃទី១៦ ខែកុម្ភៈ ឆ្នាំ២០១៩ ជាមួយជើងខ្លាំង Superlek ក្នុងកម្មវិធី One Championship។ ក្រៅពី ចិត្រា ក៏មានវត្តមានកីឡាការិនីខ្មែរ១រូបទៀតដែរគឺ នៅ ស្រីពៅ ប៉ះម្ចាស់ផ្ទះ Rika Ishige ផងដែរ៕