វិលចូលឆ្នាំ ២០១៩ ត្រកូល Sony XZ4 នឹងឡើងកាមេរ៉ា ៣ គ្រាប់មានមួយគ្រាប់ទំហំ 52MP

2019-02-01 02:57:09
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ចុងក្រោយបង្អស់ឲ្យដឹងថា ក្រុមហ៊ុន Sony មានគម្រោងនឹងបំពាក់កាមេរ៉ាទំហំ 52MP ធំជាងបណ្តាស្មាតហ្វូនណាទាំងអស់ និងយកឈ្នះកំណត់ត្រាបច្ចុប្បន្ននៃ Honor View 20 មានត្រឹម 48MP។

ប្រព័ន្ធបច្ចេកវិទ្យាកាមេរ៉ាជំនាន់ក្រោយរបស់ XZ4 នឹងមាន ៣ គ្រាប់ដោយគ្រាប់ទីមួយទំហំ 16MP មាន Aperture f/2.6 ខណៈគ្រាប់ទីពីរទំហំ 52MP ជាមួយ Aperture f/1.6 និងគ្រាប់ចុងក្រោយ 0.3MP ToF ជាមួយ Aperture f/1.4។

Sensor ផ្នែកកណ្តាលទំហំ 52MP នឹងប្រើទ្រឹស្ដីបម្លែង pixel binning 4 to-1 ដើម្បីបង្កើតរូបភាពនូវកម្រិត 13MP ដូចទៅនឹងគោលដៅដែលក្រុមហ៊ុនផលិតស្មាតហ្វូនប្រទេសចិនកំពុងតែខិតខំអភិវឌ្ឍ។

រំឭកថាកន្លងទៅតាមការបែកធ្លាយ Xperia XZ4 ត្រៀមនឹងប្រកាសក្នុងពិព័រណ៍ MWC រំពឹងប្រើអេក្រង់ ៦,៥ អ៊ីញ កម្រិត QHD+ មាត្រដ្ឋាន ២១:៩ ដោយមាន RAM 6GB និងអង្គផ្ទុក 128GB ជាមួយថាមពលថ្មធំ ៤ ៤០០mAh លាយឡំបន្ទះឈីបធុនធ្ងន់ Snapdragon 855។ គ្រប់គ្នាក៏រង់ចាំអុតមើល តើ Sony, LG ឬ Samsung ដែលនឹងចេញផ្សាយស្មាតហ្វូនបំពាក់ឈីប Qualcomm ជំនាន់ក្រោយមុនគេបង្អស់?