រកឯណាបាន! ទិញ Huawei អេ 7 មិនដល់ ២០០ ដុល្លារផង តែឈ្នះឡាន Mazda 2

2019-02-01 09:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei អេ 7 ជាស្មាតហ្វូនថ្នាក់កណ្ដាល ដែលបានចេញលក់នៅលើទីផ្សារប្រទេសកម្ពុជា កាលពីថ្ងៃសៅរ៍ ចុងសប្តាហ៍មុន ដោយទទួលបានការចាប់អារម្មណ៍យ៉ាងខ្លាំង និងមានសន្ទុះនៃការគាំទ្រពីអតិថិជនដ៏ច្រើនលើសលុប រហូតដល់បំបែកកំណត់ត្រាលក់បានរហូតដល់ ៣០០០ គ្រឿងត្រឹមថ្ងៃដំបូង។

Huawei អេ 7 ជាជម្រើសដ៏ល្អ មានរូបរាងទាក់ទាញភ្លឺរលោងចែងចាំង ទាន់សម័យ អេក្រង់ឥតខ្ចោះដែលត្រូវបានរចនាឡើងយ៉ាងពិសេសដែលមានការប្រកួតប្រជែងទាំងគុណភាពនិងតម្លៃជាមួយភាពលេចធ្លោជាច្រើន។

ស្មាតហ្វូននេះ ត្រូវបានរចនាឡើងយ៉ាងផ្ចិតផ្ចង់មានទំហំ ៦,២៦ អ៊ីញ HD+ អេក្រង់ធំផ្ទៃលាតរហូតដល់ ៨៦,៧% និងជាអេក្រង់ប្រភេទដំណក់ទឹក។ វាបំពាក់ដោយកាមេរ៉ាមុខសែលហ្វីធំជាងគេទំហំ ១៦MP ជាមួយបច្ចេកវិទ្យា AI គាប់ចិត្តសម្រាប់អ្នកចូលចិត្តសែលហ្វី និងកាមេរ៉ាក្រោយភ្លោះទំហំ ១៣MP+ ២MP ដែលបំពាក់ដោយបច្ចេកវិទ្យា AI Photography ដែលការថតរូបរបស់អ្នកកាន់តែមានភាពទាក់ទាញ ដោយសារមានសមត្ថភាពស្គាល់ ២២ ប្លង់ខុសៗគ្នា រួមនិងបច្ចេកវិទ្យា AI Beauty កែទម្រង់ស្បែកតាមការចូលចិត្ត។

មិនតែប៉ុណ្ណោះ វាក៏មានថាមពលថ្មទំហំ ៤០០០មីល្លីអំពែម៉ោង ដំណើរការ Android 8.1 មាន RAM 3 GB មេម៉ូរី 32GB អាចបន្ថែមមេម៉ូរីក្រៅបានដល់ 512GB មានមុខងារបន្ទន់ពន្លឺការពារភ្នែក (Eye Comfort) និងស្គេនមុខដោះសោរបានលឿនទាន់ចិត្ត (Fast Face Unlock)។

Huawei អេ 7 មានតម្លៃត្រឹមតែ ១៨៩ ដុល្លារ។

ក្រៅពីនោះ អ្នកគ្រាន់តែទិញស្មាតហ្វូនផ្សេងដូចជា nova 3 Lite ២៥៩ដុល្លារ nova 3i ២៩៩ដុល្លារ និង nova3 ៤៦៩ដុល្លារ ចាប់ពីថ្ងៃ ២៦មករា ដល់ ថ្ងៃ ២៧មេសា ហើយគ្រាន់តែបំពេញឈ្មោះ ម៉ូដែលទូរសព្ទ និងលេខ IMEI យកទៅដាក់នៅតាមបណ្តាហាងទូរសព្ទដៃគូរបស់ Huawei ដើម្បីមានឱកាសចូលរួមការចាប់រង្វាន់។

ការចាប់រង្វាន់នឹងធ្វើឡើងរៀងរាល់ពីរសប្តាហ៏ម្ដង ដែលការចាប់រង្វាន់លើកទីមួយ នឹងធ្វើការផ្សាយផ្ទាល់លើ Facebook Page របស់ Huawei ដែលនឹងប្រព្រឹត្តទៅរៀងរាល់ពីរសប្តាហ៌ម្តង៖

លើកទី ១ (ថ្ងៃទី១៥ ខែកុម្ភះ)
លើកទី ២ (ថ្ងៃទី ១ ខែមីនា)
លើកទី ៣ (ថ្ងៃទី ១៥ ខែមីនា)
លើកទី ៤ (ថ្ងៃទី ២៩ ខែមីនា) ផ្សាយផ្ទាល់តាមផេកផ្លូវការ Huawei Mobile ដែលរួមមានម៉ូតូ Zoomer X 1 រង្វាន់និងទូរទស្សន៌ Smart TV 2 រង្វាន់ក្នុង 1 លើកៗ ។

ការចាប់រង្វាន់ធំលើកចុងក្រោយនៅថ្ងៃទី ៣ ខែឧសភា ដោយផ្សាយផ្ទាល់តាមកញ្ចក់ទូរទស្សន៌និងផេកផ្លូវការ Huawei Mobile ដែលរង្វាន់រួមមានរថយន្ត Mazda 2 មួយរង្វាន់និងទូរទស្សន៌ Smart TV 4 រង្វាន់។

ស្មាតហ្វូនដ៏ពេញនិយមទាំងបួនម៉ូដែលនេះ ក៏ជាកាដូឆ្នាំថ្មីដ៏សាកសមបំផុតសម្រាប់អ្នក ទិញជាកាដូជូនក្រុមគ្រួសារ ញាតិមិត្តបងប្អូន ជាពិសេសជាអាំងប៉ាវហេងៗសម្រាប់ឱកាសបុណ្យចូលឆ្នាំចិនខាងមុខ។

ថាមិនត្រូវ ពួកគេអាចឈ្នះរង្វាន់ពី Huawei ក្នុងការចាប់រង្វាន់ទៀតផង។

អត្ថបទ៖ រក្សា