លោក ភា សុភក្ត្រា គ្រូបង្វឹកក្រុមក្រសួងការពារជាតិ ប្រកាស Bye Bye លីគកំពូលកម្ពុជាហើយ
- 2019-02-06 01:28:59
- ចំនួនមតិ 0 | ចំនួនចែករំលែក 0
លោក ភា សុភក្ត្រា គ្រូបង្វឹកក្រុមក្រសួងការពារជាតិ ប្រកាស Bye Bye លីគកំពូលកម្ពុជាហើយ
ចន្លោះមិនឃើញ
នៅយប់មិញនេះ គ្រូបង្វឹកក្រុមក្រសួងការពារជាតិ ភា សុភក្ត្រា បានបង្ហោះលាលីគកំពូលកម្ពុជាហើយ ក្រោមហេតុផលថាអ្នកនាំលោកមកដឹកនាំក្រុម ពេលនេះសម្រេចចាកចេញទៅហើយ។
នៅចាំបានថា លោក ភា សភក្ត្រា ធ្លាប់បង្ហើបប្រាប់ Sabay ថា លោក ខូវ ឆាយ ដែលជាអគ្គលេខាធិការក្លឹបក្រសួងការពារជាតិ កំពុងពិចារណាក្នុងការឈប់ជួយក្លឹបមួយនេះទៀតហើយ ក្រោយពីការចំណាយច្រើនខ្លាំងពេក។ លោកបញ្ជាក់ទៀតថា លោក ខូវ ឆាយ នេះគឺជាអ្នកផ្គត់ផ្គង់ថវិកាសម្រាប់ក្លឹបទាំងមូល ហើយរាល់ខែខ្ទង់ចំណាយច្រើនមែនទែន។
ក្រោយពីប្រាប់បានប៉ុន្មានថ្ងៃ ក៏ស្រាប់តែឃើញមានកីឡាករក្រសួងការពារជាតិច្រើននាក់បង្ហោះសារមួយចំនួនដែលសុទ្ធសឹងតែបញ្ជាក់ប្រាប់ពីការចាកចេញរបស់ពួកគេ ទាំងសោកស្ដាយ។ ចំណុចនេះ អាចនឹងបញ្ជាក់បានយ៉ាងច្បាស់ថាក្លឹបបាល់ទាត់ក្រសួងការពារជាតិពិតជាមានបញ្ហាមែន។ ស្របពេលដែលការបង្ហោះរបស់លោក ភា សុភក្ត្រា លាលីគកំពូលទៀតអាចធ្វើឱ្យអ្នកគ្រប់គ្នាដឹងច្បាស់ហើយ។
យ៉ាងណាមិញ ដំណឹងនេះមិនទាន់ផ្លូវការនៅឡើយទេ សូមតាមដានបន្ដទៀតថា តើអនាគតរបស់ក្រសួងការពារជាតិនឹងទៅជាយ៉ាងណា?