នេះជាមូលហេតុ U18 បាទី ត្រូវឡើងមកលេងលីគកំពូលកម្ពុជា

2019-02-07 04:11:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតលីគកំពូលកម្ពុជា ត្រូវបានប្រកាសជាផ្លូវការហើយ ដោយមានក្រុម១៤នៅឆ្នាំនេះ នឹងត្រូវប្រកួតចាប់ពីថ្ងៃទី ១៦ខែមីនារហូតដល់ថ្ងៃទី២៧ខែតុលាឆ្នាំ២០១៩ខាងមុខ។

បើតាម CNCC បានបញ្ជាក់ថា ១៤ក្រុមនេះ គឺមានក្រុមចាស់១១ក្រុម និងក្រុមបញ្ចូលថ្មី៣ក្រុមទៀតរួមមាន ខេត្តកំពង់ចាម គីរីវង់សុខសែនជ័យ និងក្រុម U18 របស់សាលាបាល់ទាត់ជាតិបាទី។ ការយក៣ក្រុមនេះមកលេងនៅលីគកំពូល ត្រូវបានលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបញ្ជាក់ថាមកពីគណៈកម្មាធិការប្រតិបត្តិមើលឃើញសមត្ថភាពក្រុម គីរីវង់សុខសែនជ័យ និង ខេត្តកំពង់ចាម អាចលេងលីគកំពូលបាន ស្របពេលលីគទី២ ឆ្នាំកន្លងទៅក៏មិនមានប្រកួតដែរ។

ចំណែកឯខាង U18 របស់បាទីវិញ ពួកគេត្រូវលេងលីគកំពូល ដើម្បីឱ្យពង្រឹងសមត្ថភាពខ្ពស់ព្រោះពួកគេត្រូវត្រៀមខ្លួនដើម្បីលេងស៊ីហ្គេមឆ្នាំ២០២៣ខាងមុខ ដែលកម្ពុជាធ្វើជាម្ចាស់ផ្ទះ។ ដូច្នេះសរុបជារួមមក ក្រុមទាំង១៤ មាន គីរីវង់សុខសែនជ័យ , ខេត្តកំពង់ចាម U18 បាទី បឹងកេត ស្វាយរៀង វិសាខា ក្រសួងការពារជាតិ ណាហ្គាវើល ភ្នំពេញក្រោន សូលទីឡូអង្គរ អង្គរថៃហ្គ័រ អគ្គិសនីកម្ពុជា អាស៊ីអឺរ៉ុប និងប៉ូលិស៕

អត្ថបទ៖ មុន្នីរម្យ