តន្ត្រីបេសកកម្មស្នាមញញឹមនៃក្តីស្រឡាញ់ នឹងមកដល់នាថ្ងៃទី១០កុម្ភៈនេះហើយ!
- 2019-02-08 04:05:00
- ចំនួនមតិ 0 | ចំនួនចែករំលែក 0
តន្ត្រីបេសកកម្មស្នាមញញឹមនៃក្តីស្រឡាញ់ នឹងមកដល់នាថ្ងៃទី១០កុម្ភៈនេះហើយ!
ចន្លោះមិនឃើញ
ពេលវេលាដែលយើងទាំងអស់គ្នាកំពុងតែទន្ទឹងរង់ចាំយ៉ាងអន្ទះសារ កំពុងតែឈានជិតចូលមកដល់មែនទែនហើយ គឺកម្មវិធីតន្ត្រីបេសកកម្មស្នាមញញឹមនៃក្តីស្រឡាញ់ ដើម្បីជួយដល់កុមារកម្ពុជា និងមន្ទីរពេទ្យគន្ធបុប្ផាដែលនឹងប្រព្រឹត្តិទៅនាថ្ងៃអាទិត្យ ទី១០ ខែកុម្ភៈ ឆ្នាំ២០១៩ នេះ ចាប់ពីម៉ោង ៣ រសៀលតទៅ នៅសាល Aeon Hall ផ្សារទំនើប Aeon Mall Sen Sok City។
កម្មវិធីដ៏ពិសេសជាច្រើននឹងត្រូវបង្ហាញជូននាឱកាសនោះ រួមមានការច្រៀង, ការដើរបង្ហាញម៉ូដ, ការសម្ដែងរបាំសហសម័យ និងក្បាច់គុណបុរាណខ្មែរ, ការសម្ដែងចម្រៀងរ៉េប និងក្បាច់រាំសម័យទំនើប ព្រមទាំងឈុតឆាកជាច្រើនទៀត ដោយមានការចូលរួមដោយស្ម័គ្រចិត្តពីតារាចម្រៀង តារាសម្តែងអាជីព តារាចម្រៀង Original Song តារាបង្ហាញម៉ូដ ក្រុមសម្តែង និងអ្នកដែលមានប្រជាប្រិយនៅក្នុងបណ្ដាញសង្គមផងដែរ។ តម្លៃសំបុត្របរិច្ចាគថវិកា សម្រាប់ចូលរួមកម្មវិធី តម្លៃត្រឹមតែ ២០.០០០ រៀល តែប៉ុណ្ណោះ ដែលអាចរកជាវបាននៅថ្ងៃកម្មវិធីផ្ទាល់ និងទីតាំងផ្ទាល់តែម្តង ចាប់ពីម៉ោង ៩ ព្រឹកតទៅ។
ថវិកា ១០០% ដែលបានមកពីការជាវសំបុត្រ ត្រូវបានជួយដល់កុមារកម្ពុជា និងមន្ទីរពេទ្យគន្ធបុប្ផា។ សូមចូលរួមទាំងអស់គ្នា ដើម្បីរួមចំណែកជួយដល់កុមារ និងមន្ទីរពេទ្យគន្ធបុប្ផា ក៏ដូចជួយគាំទ្រ និងលើកទឹកចិត្តដល់សិល្បករ សិល្បការិនីទាំងអស់ ដែលបានស្ម័គ្រចិត្តចូលរួមជួយដល់កម្មវិធី៕