មិនត្រឹមតែចេញ Galaxy S10 ទេ Samsung ក៏នឹងចេញកាសឆ្កុយ Wireless ថ្មីមួយគូទៀតដែរ

2019-02-11 09:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់មិនដល់ ២ សប្ដាហ៍ទៀតផង កំពូលទូរសព្ទរបស់ក្រុមហ៊ុន កូរ៉េខាងត្បូង Samsung Galaxy S10 នឹងលេចមុខជាផ្លូវការក្នុងព្រឹត្តិការណ៍ Unpacked របស់ខ្លួននាថ្ងៃទី ២០ ខែកុម្ភៈ នាទីក្រុង San Francisco រដ្ឋកាលីហ្វ័រញ៉ា សហរដ្ឋអាមេរិក។ រូបភាពបែកធ្លាយរបស់ Samsung Galaxy S10 ក៏មានលេចចេញជាបន្តបន្ទាប់ ហើយក្នុងនោះ រូបភាពលេចធ្លាយចុងក្រោយបំផុត ក៏មានបង្ហាញពីកាសឥតខ្សែមួយគូនៅក្នុងប្រអប់ ដាក់លើខ្នងទូរសព្ទដែលគេសង្ស័យថាជា Samsung Galaxy S10 Plus។

បើតាមប្រភពនានា កាស wireless ថ្មីរបស់ Samsung នេះអាចមានឈ្មោះថា Galaxy Buds ដែលវាអាចជាកាសថ្មីក្នុងត្រកូលវាតែម្ដង ឬក៏ជាការកែប្រែពីកាសឥតខ្សែចាស់របស់ Samsung គឺ Gear IconX។ នៅក្នុងរូបដែលលេចចេញពី សារព័ត៌មាន WinFuture របស់អាឡឺម៉ង់នេះ ជារូបដែល Galaxy Buds នៅក្នុងប្រអប់ ហើយស្ថិតនៅលើខ្នងទូរសព្ទ Samsung Galaxy S10 Plus ដែលវាអាចធ្វើការសាកថ្មដល់ប្រអប់កាសផ្ទាល់តែម្ដង ដូចទៅនឹង Huawei Mate 20 Pro ដែលទូរសព្ទនោះ អាចដើរតួជា Wireless Powerbank សម្រាប់សាកថ្មឧបករណ៍ផ្សេងៗទៀតបាន។

ចំពោះតម្លៃនៃកាសស៊េរីថ្មី Galaxy Buds នេះវិញត្រូវបានគេប៉ាន់ប្រមាណថាមានតម្លៃខ្ទង់ ១៧០ ដុល្លារ ប្រហាក់ប្រហែលទៅនឹងកាសឥតខ្សែរបស់គូប្រជែងដ៏ធំរបស់ខ្លួនដែរ គឺ Apple AirPods ដែលមានតម្លៃ ១៦០ ដុល្លារលក់លើទីផ្សារបរទេស។

ចុចអាន៖

ប្រភព៖ Cnet ប្រែសម្រួល៖ ផាត សុវត្ថិ