ធ្លាយតម្លៃ LG G8 ThinQ នៅក្រោម ១ ពាន់ដុល្លារ មុនដល់ថ្ងៃចេញផ្សាយផ្លូវការ

2019-02-12 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន LG បានប្រកាសនាពេលកន្លងទៅជុំវិញព្រឹត្តិការណ៍ដាក់បង្ហាញស្មាតហ្វូនជំនាន់ក្រោយ G8 ThinQ នាអំឡុងពិព័រណ៍ MWC (Mobile World Congress) ក្នុងថ្ងៃទី ២៤ កុម្ភៈ ឆ្នាំ ២០១៩ ហើយរំពឹងនឹងបើកឲ្យកុម្ម៉ង់ទិញក្នុងសប្តាហ៍ដដែល ប៉ុន្តែអាចមានលើទីផ្សារយ៉ាងយូរដល់ខែមិនា។

មុនរយៈពេលជាងមួយសប្តាហ៍នៃការចេញផ្សាយ ក៏មានការលេចធ្លាយនូវតម្លៃត្រកូល G8 ThinQ សេរ៊ីឆ្នាំ ២០១៩ សម្រាប់ទីផ្សារប្រទេសកាណាដាដោយថ្លៃប្រហែល ៩០០ ដុល្លារអាមេរិក សម្រាប់ទំហំ 128GB។

យ៉ាងណាមិញតម្លៃនេះក៏អាចប្រែប្រួលទៅតាមទីផ្សារបណ្តាប្រទេសនីមួយៗ ដោយប្រទេសខ្លះអាចធូរថ្លៃជាងនេះត្រឹម ៨៥០ ដុល្លារក៏ថាបាន។ ចំពោះលក្ខណៈសម្បត្តិល្ហិចល្ហៀង G8 ThinQ អាចប្រើប្រាស់បន្ទះឈីប Snapdragon 845 មាន RAM 6GB អម GPU ប្រភេទ Adreno 630 និងមានថាមពលថ្ម ៣ ៥០០mAh។