កាស AirPods ថ្មីនឹងមានជម្រើសពណ៌ខ្មៅ ថ្លៃលើសមុន ៥០ ដុល្លារ
- 2019-02-12 02:15:36
- ចំនួនមតិ 0 | ចំនួនចែករំលែក 0
កាស AirPods ថ្មីនឹងមានជម្រើសពណ៌ខ្មៅ ថ្លៃលើសមុន ៥០ ដុល្លារ
ចន្លោះមិនឃើញ
មានផលិតផលពីរដែលអ្នកគាំទ្រ Apple ទន្ទឹងរង់ចាំជាយូរមកហើយ នោះគឺកាស AirPods ជំនាន់ថ្មី និងឆ្នាំងសាកឥតប្រើខ្សែ AirPower ដែលបានបង្ហាញមុខតាំងពីជំនាន់ iPhone X ប៉ុន្តែមិនទាន់ចេញលក់។
ប្រភពដែលជិតស្និទ្ធនឹង MySmartPrice បានបញ្ចេញឲ្យដឹងថា ការទន្ទឹមរង់ចាំនេះជិតដល់ទីបញ្ចប់ហើយ។ ផលិតផលទាំងពីរនឹងបង្ហាញមុខលើទីផ្សារជាផ្លូវការនៅអំឡុងខែមីនាខាងមុខនេះ។ គួរដឹងថា Apple តែងប្រារព្ធកម្មវិធីពិសេសនៅពាក់កណ្ដាលខែមីនា ជារៀងរាល់ឆ្នាំ ហើយ AirPods និង AirPower នឹងជាបេក្ខភាពដែលត្រូវបង្ហាញលើឆាក។
និយាយអំពីកាស AirPods ជំនាន់ថ្មី ដំណឹងកន្លងមកបានលើកឡើងដូចៗគ្នា ថាវានឹងមានរូបរាងដូចជា AirPods ជំនាន់ដំបូងដែរ ប៉ុន្តែនឹងមានបន្ថែមជម្រើសពណ៌ខ្មៅ។ បន្ថែមពីនេះ AirPods ជំនាន់ថ្មីនឹងមានការ Coating ថ្មី អាចជាប់នឹងត្រចៀកបានប្រសើរជាងមុន មិនងាយជ្រុះចេញ។
AirPods ថ្មីក៏នឹងបញ្ចេញសំឡេងល្អប្រសើរជាងមុន ជាពិសេសសំឡេងបាសបុកងំ ហើយក៏នឹងមាន Sensor ថ្មីដើម្បីតាមដានពីសុខភាពអ្នកប្រើប្រាស់ផងដែរ។ តម្លៃ AirPods ថ្មីរំពឹងថានឹងស្ថិតនៅខ្ទង់ ២០០ ដុល្លារ ថ្លៃជាងស៊េរីមុន ៥០ ដុល្លារ៕
ចុចអាន៖