Mbappe ធ្វើឲ្យពិភពបាល់ទាត់ភ្លឺភ្នែកថា គ្មាន Neymar និង Cavani គឺ PSG គ្មានបញ្ហា

2019-02-13 01:41:51
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនការប្រកួតយប់មិញ Paris St-Germain បានរងសម្ពាធយ៉ាងខ្លាំងព្រោះវិបត្តិកីឡាកររបួស ពិសេសគឺអវត្តមានកម្លាំងសំខាន់ពីរមានដូចជា Neymar និង Edinson Cavani ណាមួយពួកគេត្រូវធ្វើដំណើរទៅទឹកដី Old Trafford ទៀតសម្រាប់ជើងទីមួយ UEFA Champions League វគ្គ១៦ក្រុមចុងក្រោយ។

យ៉ាងណាគ្រប់យ៉ាងខុសស្រឡះក្រោយអាជ្ញាកណ្ដាលផ្លុំកញ្ចែចប់ការប្រកួតដោយសារក្រុមភ្ញៀវបានយកឈ្នះម្ចាស់ផ្ទះបិសាចក្រហមដោយគ្មានការរំខានក្នុងលទ្ធផល ២ទល់នឹង០។ Kylian Mbappe គឺជាតួអង្គសំខាន់ដែលធ្វើឲ្យ Paris រកឃើញជ័យជម្នះលើគូប្រកួត។

Mbappe គឺជាខ្សែប្រយុទ្ធតែ១រូបគត់ក្នុងចំណោមក្រុមប្រយុទ្ធកំពូលទាំង៣របស់ PSG ក្រោយពេលរៀមច្បង Neymar និង Edinson Cavani របួស។ កីឡាករវ័យ២០ឆ្នាំបានស៊ុតបញ្ចូលទី១គ្រាប់កាលពីយប់មិញនៅនាទី៦០ ពោលគឺត្រឹម៧នាទីប៉ុណ្ណោះបន្ទាប់ពី Kimpembe បើកឆាកគ្រាប់ទី១។

នៅចប់ការប្រកួតតារាឆ្នើមសញ្ជាតិបារាំងបាននិយាយថា៖ "ពួកយើងត្រូវតែបញ្ចប់សុបិនអាក្រក់។ កីឡាករទាំងអស់ត្រូវតែឈប់ភ័យខ្លាច។ ជាការពិតពួកយើងបានបង្ហាញឲ្យពិភពបាល់ទាត់ឃើញនៅយប់នេះថា PSG ពិតជាធ្វើបានល្អ"។ Manchester United ត្រូវការឈ្នះយ៉ាងតិច៣គ្រាប់នៅទឹកដីបារាំងបើសិនជាចង់ឡើងវគ្គ៨ក្រុមចុងក្រោយ Champions League៕