ឡៅ ចិត្រា ថា អត់អីទេទោះដេកមិនសូវលក់ ស្របពេល Superlek សង្ឃឹមខ្ពស់មែនទែន

2019-02-15 10:34:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡៅ ចិត្រា នឹងត្រូវជួបអ្នកខ្លាំងកម្រិតខ្ពស់របស់ថៃ Superlek នាថ្ងៃស្អែកនេះក្នុងកម្មវិធី ONE Championship ដែលកម្មវិធីនេះនឹងចាប់ផ្ដើមពីម៉ោង ៧យប់តទៅ។

ឡៅ ចិត្រា (ស្ដាំ) Superlek (ឆ្វេង)

សម្ភាសន៍ជាមួយអ្នកសារព័ត៌មានមុននេះជើងខ្លាំងរបស់កម្ពុជាមកពីខេត្តកំពង់ស្ពឺខាងលើបានឲ្យដឹងថា រូបគេមិនមានបញ្ហាអ្វីឡើយ បើទោះជាដេកមិនសូវលក់តិចតួចក្ដី។ ចិត្រា យល់ថា ប្លែកកន្លែងជាដើមហេតុនៃការដេកមិនសូវលក់ ស្របពេលបញ្ហាអាកាសធាតុខុសគ្នាតិចតួច ក៏មិនមានបញ្ហាអ្វីធំឡើយ។

ប្អូនប្រុសបង្កើតរបស់ ឡៅ ស៊ីណាត រូបនេះសង្ឃឹម ៧៥ % ក្នុងការយកឈ្នះអ្នកប្រដាល់ថៃ Superlek នឹងជឿជាក់លើខ្លួនឯងថា អាចធ្វើបានល្អ។ ចំណែកអ្នកប្រដាល់ថៃ ដែលមានដើមកំណើតជាខ្មែរ Superlek វិញសង្ឃឹមខ្ពស់រហូត ដល់ ៩០ % ក្នុងការយកឈ្នះទៅលើអ្នកប្រដាល់ខ្មែរខាងលើ។

អ្នកប្រដាល់ថៃរូបនេះក៏បានសរសើរ ចិត្រា ថា មានផ្លែកែងល្អ ព្រមទាំងមានក្បាច់ប្រយុទ្ធល្អ។ អ្នកប្រដាល់របស់កម្ពុជា ឡៅ ចិត្រា និង នៅ ស្រីពៅ ប្រកួតតំណាងឲ្យក្លឹប Cambodian Top Team របស់កម្ពុជា ដែលមានលោក ហ៊ុន ច័ន្ទរាជ្យ ជាគ្រូបង្វឹក និងជាថ្នាក់ដឹកនាំ៕