កម្មករ២នាក់បានជួយសង្គ្រោះឆ្កែពីបឹងទឹកកក ផ្តល់ជម្រក ដោយមិនដឹងថាវាជាចចក
- 2019-02-23 02:50:17
- ចំនួនមតិ 0 | ចំនួនចែករំលែក 0
កម្មករ២នាក់បានជួយសង្គ្រោះឆ្កែពីបឹងទឹកកក ផ្តល់ជម្រក ដោយមិនដឹងថាវាជាចចក
ចន្លោះមិនឃើញ
កម្មករសំណង់២នាក់ដែលមានចិត្តសប្បុរសពីប្រទេសអេស្តូនីបានជួយសង្គ្រោះសត្វដែលកំពុងកកជាប់ក្នុងបឹងឱ្យមានជីវិតឡើងវិញកាលពីថ្ងៃពុធ។
លោក Rando Kartsepp លោក Robin Sillamäe កំពុងធ្វើការក្បែរបឹង Parnuដែលកកទាំងស្រុងក្លាយជាទឹកកក។ ពួកគេប្រទះឃើញសត្វដែលគិតថាជាឆ្កែ កំពុងប្រឹងហែលក្នុងបឹងទឹកកកទាំងជិតផុតជីវិត។
ពួកគេបានទៅត្រកងសត្វចេញពីទឹក យកកន្សែងពោះគោជូតខ្លួនឲ្យវា និង បានដាក់វាទៅក្នុងឡានដើម្បីឲ្យវាបានកក់ក្តៅ។
ពួកគេបានតេហៅឡានសត្វសង្គ្រោះបន្ទាន់។ Rando កម្មករម្នាក់ក្នុងចំណោមនោះបាននិយាយថា សត្វនោះដេកយ៉ាងស្ងៀមស្ងាត់ក្បែរជើងរបស់លោកនៅក្នុងឡាន ក្បាលរបស់វាផ្អែកដោយអាការៈអស់កម្លាំងលើភ្លៅរបស់លោក។ នៅពេល Rando ចង់ទាញជើងឲ្យវាសណ្តូក សត្វនោះស្រាប់តែភ្ញាក់ក្រញាងយ៉ាងលឿន។
ពេលទៅដល់គ្លីនិក ពេទ្យសត្វបានពិនិត្យសត្វដែលកំពុងមានសម្ពាធឈាមទាបបំផុត ដោយពួកគេក៏មិនបានចាប់អារម្មណ៍ថាវាជាចចកឡើយ។ ក្រោយមកទើបព្រានព្រៃនៅក្នុងតំបន់នោះដឹងថា វាជាសត្វព្រៃ គឺចចក។
ក្រោយការសង្រ្គោះ ចចកត្រូវបានទីភ្នាក់ងារបរិស្ថានជាតិបានលែងទៅក្នុងព្រៃវិញ ដោយបានភ្ជាប់ GPS ទៅនឹងករបស់វាដើម្បីងាយស្រួលតាមដានប្រសិនបើសត្វនេះអាចនឹងមានបញ្ហាសុខភាពពេលក្រោយ៕