Salah សារភាពថាកីឡាករ Liverpool ទាំងអស់កំពុងរងសម្ពាធក្នុងការប្រជែងជើងឯក
- 2019-02-24 01:26:19
- ចំនួនមតិ 0 | ចំនួនចែករំលែក 0
Salah សារភាពថាកីឡាករ Liverpool ទាំងអស់កំពុងរងសម្ពាធក្នុងការប្រជែងជើងឯក
ចន្លោះមិនឃើញ
Mohamed Salah បានសារភាពថាខ្លួននិង មិត្តរួមក្រុមកំពុងមានអារម្មណ៍នៃសម្ពាធក្នុងការប្រជែងពានរង្វាន់ក្របខ័ណ្ឌ Premier League ប៉ុន្តែថាពួកគេនឹងខំប្រឹង។
Liverpool បានធ្លាក់ទៅលេខ២ក្នុងតារាង ប៉ុន្តែពួកគេនៅសល់១ប្រកួតទៀតក្នុងដៃដើម្បីដណ្តើមកៅអីកំពូលតារាងលើក្រុម Man City វិញ ដោយគិតថាពួកគេនឹងបាន៣ពិន្ទុនាំមុខក្រុមលោក Pep Guardiola ប្រសិនបើអាចផ្តួល Manchester United នៅទឹកដី Old Trafford បាន។
Salah បានបង្ហើបថាខ្លួនកំពុងសំលឹងចង់បានពាន Premier League ចាប់តាំងពីមកចូលរួមជាមួយហង្សក្រហមតាំងពីឆ្នាំ ២០១៧ ក្រោយក្លឹបមួយនេះខកខានមិនបានលើកពានក្របខ័ណ្ឌបាល់ទាត់កំពូលអង់គ្លេសអស់ពេល២៩ឆ្នាំ។
Salah វ័យ២៦ឆ្នាំបានសារភាពប្រាប់ ESPN ថាកីឡាករទាំងអស់កំពុងតែមានអារម្មណ៍រងសម្ពាធ ព្រោះចង់ឈ្នះពានដំបូងបំផុតឲ្យក្លឹបក្រោយខកខានយូរ ប៉ុន្តែកីឡាករអេហ្ស៊ីបទទូចថាពួកគេនឹងព្យាយាមលេង១ប្រកួតគិត១ប្រកួត។
“ពិតណាស់ អ្នកមានអារម្មណ៍ថាមានសម្ពាធព្រោះអ្នកជាមនុស្ស អ្នកមានអារម្មណ៍ថាចង់ឈ្នះពាន Premier League ដែលជាអ្វីដ៏ធំបំផុតសម្រាប់ក្លឹប សម្រាប់ទីក្រុង និង អ្នកគាំទ្រនៅគ្រប់ទីកន្លែង ប៉ុន្តែអ្នកត្រូវការឈ្នះការប្រកួត "៕