សក្ដានុពលរបស់ថៃក្នុងការចេញត្បូង ពេជ្រទៅកាន់ទីផ្សារអន្តរជាតិ

2019-03-01 10:07:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងធុរកិច្ចនៃ ព្រះរាជាណាចក្រថៃទើបតែបញ្ចប់ការរៀបចំពិព័រណ៍ ត្បូងពេជ្រដ៏ធំប្រចាំឆ្នាំកាលពីសប្ដាហ៍មុន គឺពីថ្ងៃទី២០ ដល់២៤ ខែកុម្ភៈ ឆ្នាំ២០១៩ នៅសាលពិព័រណ៍ Impact Muang Thong Thani ស្ថិតនៅទីក្រុងបាងកក។

ពិព័រណ៍នោះ មានការចូលរួមពីអ្នកជំនួញជាង២ម៉ឺននាក់ និងអាចទាក់ទាញអតិថិជន អ្នកនិយមគ្រឿងអលង្ការ និងត្បូងពេជ្រ មកពី១៣០ប្រទេសផ្សេងគ្នានៅជុំវិញពិភពលោក ថែមទាំងយាងសម្ពោធកម្មវិធីដោយម្ចាស់ក្សត្រី Sirivannavari Nariratana។

ការរៀបចំពិព័រណ៍ខាងលើនេះឡើង ដោយសារថៃជាប្រទេសមានសក្ដានុពលលើវិន័យត្បូងពេជ្រ ដោយប្រទេសនេះជាប់លេខ១៣ ជាប្រទេសនាំចេញត្បូង ពេជ្រ និងគ្រឿងអលង្ការច្រើនបំផុតលើពិភពលោក ហើយវាក៏បានផ្ដល់ការងារឲ្យប្រជាជនថៃជាង១លាននាក់ផងដែរ។ វិស័យត្បូង ពេជ្រឈរលេខ៣ ជាវិស័យដែលមានការនាំចេញច្រើន បន្ទាប់ពីរថយន្ត, និងគ្រឿងអេឡិចត្រូនិក ដែលឈរលេខ១ និងលេខ២។

ចំណុចខ្លាំងលើវិស័យត្បូង ពេជ្ររបស់ថៃមានដូចជា៖

១. ពាណិជ្ជកររបស់ថៃយល់ច្បាស់ពីទីផ្សារត្បូង ពេជ្រ អន្តរជាតិ, យល់ច្បាស់ពីផលិតផលរបស់ខ្លួន និងអ្នកជំនួញជាដៃគូ។

២. ថៃគឺជាទីផ្សារធំមួយដែលសំបូរទៅដោយប្រភេទត្បូងចម្រុះពណ៌ ជាទីពេញនិយមរបស់អតិថិជន។

៣. ជាងច្នៃត្បូង ពេជ្រ និងគ្រឿងអលង្ការរបស់ថៃពោរពេញដោយសមត្ថភាព, បទពិសោធន៍ និងគំនិតច្នៃប្រឌិតថ្មីៗ ដើម្បីតម្រូវចិត្តទីផ្សារ និងអតិថិជន។

៤. ប្រភពផ្សព្វផ្សាយមានភាពខ្លាំង ក្នុងការនាំយកវិស័យត្បូងពេជ្ររបស់ថៃផ្សាយទៅកាន់ពិភពលោក។

យ៉ាងណាទន្ទឹមនឹងភាពខ្លាំងនេះ ថៃក៏ជួបបញ្ហាប្រឈមមួយចំនួនគួរឲ្យព្រួយបារម្ភដែរ ដូចជា កង្វះវត្ថុធាតុដើមសម្រាប់ថ្ងៃអនាគតបន្ទាប់ពីត្រូវបានកាយយកជាប្រចាំ។ បញ្ហានយោបាយរបស់ថៃដែលជាបញ្ហាមួយរាំងស្ទះដល់ការចាប់ដៃគូពាណិជ្ជកម្ម និងមួយទៀតគឺ ការព្រងើយកន្តើយក្នុងការវិនិយោគលើវិន័យនេះរបស់អ្នកវិនិយោគ...៕