Pochettino និយាយថា Spurs ត្រូវការគ្រូបង្វឹក "វេទមន្ត" ម្នាក់បើចង់ឈ្នះពាន

2019-03-03 01:34:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Mauricio Pochettino បាននិយាយថា Spurs ត្រូវការគ្រូបង្វឹក "វេទមន្ត" ម្នាក់បើចង់ឈ្នះពានសម្រាប់ថវិកាដ៏ត្បិតត្បៀតរបស់ពួកគេបច្ចុប្បន្ន។

ក្រោយធ្លាក់ចេញពី FA Cup ហើយក្តីសង្ឃឹមលើកពាន Premier League កាន់តែខើចក្រោយចាញ់ Chelsea កាលពីថ្ងៃព្រហស្បត្តិ៍ពីព្រោះពួកគេចាញ់ពិន្ទុក្រុមលេខ១កំពូលតារាង១០ពិន្ទុ ខណៈដែលការប្រកួតនៅសល់មិនដល់១០ប្រកួតទៀតផង។ ក្តីសង្ឃឹមចុងក្រោយរបស់ Spurs គឺ Champions League។

ប៉ុន្តែលោក Pochettino ទទូចថាក្រុមមាន់ខ្នាយមាសTottenham ហាក់ដូចនៅឆ្ងាយពីជ័យជម្នះជាមួយនឹងការចំណាយធនធានដ៏សន្សំសំចៃបែបនេះ។

អ្នកចាត់ការទូទៅរូបនេះបាននិយាយថា "ខ្ញុំឮមនុស្សជាច្រើននិយាយថា Pochettino នៅទីនេះអស់រយៈពេល ៥ ឆ្នាំហើយ ប៉ុន្តែមិនដែលឈ្នះពានទេ"។

គ្រូបង្វឹកសញ្ជាតិអាហ្សង់ទីនបន្តថា ការសំខាន់ស្ថិតនៅលើ Daniel Levy ម្ចាស់ក្លឹប Spurs ពីព្រោះចង់ឈ្នះគឺជាកាតព្វកិច្ចមួយហើយប៉ុន្តែត្រូវប្រៀបធៀបជាមួយក្លឹបដទៃ។

“ប្រហែលបើសិនជា Daniel Levy និយាយមកខ្ញុំនៅរដូវកាលក្រោយថាយើងត្រូវការឈ្នះពានរង្វាន់ Champions League ហើយត្រូវការឈ្នះក្របខ័ណ្ឌ Premier League បើអីចឹង អ្នកប្រហែលជាត្រូវរកបុរសវេទមន្តម្នាក់ដែលអាចធ្វើរឿងនេះបាន"។ លោក Pochettino បន្ថែម៕

ប្រភព៖ Dailymail ប្រែសម្រួល៖ សុខ លាងហ៊ត