អ៊ូច ធារិទ្ធ៖ យប់មិញបើសុខភាពអំណោយផលវិញ វ៉ៃនឹងល្អមើលជាងនេះទៀត

2019-03-04 03:13:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេង អ៊ូច ធារិទ្ធ ប្រកួតមិត្តភាពយប់មិញនៅសង្វៀនបាយ័នពិតជាជក់ចិត្តមែន ប៉ុន្តែម្ចាស់ខ្លួនថានៅមិនទាន់ល្អខ្លាំងនោះទេ ព្រោះសុខភាពមិនអំណោយផលឈឺប៉ុន្មានថ្ងៃមកហើយ។

កីឡាករ អ៊ូច ធារិទ្ធ

ធារិទ្ធ បានឲ្យដឹងថា សម្រាប់ការប្រកួតយប់មិញនេះមិនសូវជាពិបាកនោះទេ ប៉ុន្តែមានបញ្ហាសុខភាពវារំខានបន្តិច ទើបហាក់អស់កម្លាំងខ្លាំងនៅពេលប្រកួតជាមួយកីឡាករថៃ Famai ស្ទើរមិនចប់៥ទឹក។ អ្នកប្រដាល់វ័យ២២ឆ្នាំរូបនេះបន្ថែមទៀតថា តាំងពីថ្ងៃអង្គារសប្ដាហ៍មុនមកម្ល៉េះ ពោលមានអាការៈក្ដៅខ្លួន ធ្លាក់ទម្ងន់ និងអស់កម្លាំង ម្សិលមិញនេះដែរបានព្យួរសេរ៉ូមរួចឡើងវ៉ៃតែម្ដង។

អ៊ូច ធារិទ្ធ

កូនសិស្សលោក ធី ណារិទ្ធ ខាងលើនេះបន្ថែមថា ប៉ះដៃគូគេល្អដើរបុកទៀតនោះ ជាហេតុធ្វើឲ្យខ្លួនឆាប់អស់តែម្ដង ហើយនៅទឹកទី២នោះត្រូវ១ជង្គង់ពេញរឹតតែធ្វើឲ្យរូបនេះអស់ស៊ុហ្វស្ទើរតែបោះបង់ការប្រកួតទៅហើយ ប៉ុន្តែដោយការតាំងចិត្តខំប្រឹងតស៊ូរហូតបានវ៉ៃឈ្នះវិញ។ អ្នកលេងគុនខ្មែររូបនេះមានចិត្តសប្បាយរីករាយណាស់ខណៈសុខភាពមិនអំណោយផលហើយ នៅតែអាចយកជ័យជម្នះជូនអ្នកគាំទ្របាន។

បញ្ជាក់ដែរថា ការប្រកួតមិត្តភាពអន្តរជាតិម្សិលមិញនេះនៅសង្វៀនបាយ័ន មាន២គូ គឺ អ៊ូច ធារិទ្ធ ឈ្នះពិន្ទុ Famai ខណៈ វង្ស ណយ ចាញ់ពិន្ទុ Jacksiam ៕

វិដេអូ៖