ក្រុមហ៊ុនអាកាសចរណាខ្លះនៅបន្ដហោះហើរ Boeing 737 ក្រោយឧបទ្ទវហេតុអេត្យូពី?
- 2019-03-12 02:17:06
- ចំនួនមតិ 0 | ចំនួនចែករំលែក 0
ក្រុមហ៊ុនអាកាសចរណាខ្លះនៅបន្ដហោះហើរ Boeing 737 ក្រោយឧបទ្ទវហេតុអេត្យូពី?
ចន្លោះមិនឃើញ
ឧបទ្ទវហេតុធ្លាក់យន្ដហោះនៅអេត្យូពីកាលពីថ្ងៃសៅរ៍សប្ដាហ៍មុន បានបណ្ដាលឲ្យមនុស្ស ១៥៧នាក់ស្លាប់ទាំងអស់ និងបង្កឲ្យមានការចោទទៅលើបច្ចេកទេសរបស់យន្ដហោះ Boeing 737 MAX8។ ក្នុងនោះ អាកាសចរចិនបានប្រកាសឲ្យជើងហោះហើរទាំងអស់ផ្អាកការប្រើយន្ដហោះប្រភេទនេះសិន មុនការស៊ើបអង្កេតនិងបញ្ជាក់ពីអ្នកជំនាញក៏ដូចជាសហរដ្ឋអាមេរិក។ យ៉ាងណាមិញ ក្រុមហ៊ុនអាកាសចរចំនួន ១០នៅតែបន្ដហោះហើរយន្តហោះប្រភេទនេះ បើទោះជាមានរឿងរ៉ាវចម្រូងចម្រាសយ៉ាងណាក្ដី។
១. ក្រុមហ៊ុនអាកាសចរអាមេរិក (American Airlines)
ក្រុមហ៊ុនអាកាសចរនេះ មានយន្ដហោះ Boeing 737 MAX 8 ចំនួន ២៤គ្រឿងកំពុងបម្រើការហើយខាងក្រុមហ៊ុនអះអាងថាពួកគេមិនមានគម្រោងផ្អាកការហោះហើរយន្ដហោះប្រភេទនេះទេ។
២. Southwest Airlines
ក្រុមហ៊ុនអាកាសចរនេះ មានយន្ដហោះ Boeing 737 MAX 8 ចំនួន ៣៤ គ្រឿងហើយអះអាងថាពួកគេជឿជាក់លើសុវត្ថិភាពនៃយន្តហោះនេះ។
៣. Norwegian Airlines
យោងតាមនាយកប្រតិបត្តិការជើងហោះហើរបញ្ជាក់ថា ក្រុមហ៊ុន Norwegian នឹងបន្ដហោះហើរ Boeing 737 MAX 8 ទាំង១៨គ្រឿងរបស់ខ្លួនជាធម្មតា។
៤. TUI
អាកាសចរ TUI មានយន្ដហោះ Boeing 737 MAX 8 ចំនួន ១៥គ្រឿងកំពុងដំណើរការហើយមិនមានគម្រោងផ្អាកការហោះហើរយន្ដហោះប្រភេទនេះទេ។
៥. Silk Air
អាកាសចរ SilkAir អះអាងថាមិនមានគម្រោងផ្អាកការហោះហើរ Boeing 737 MAX 8 ដែលធ្វើដំណើរក្នុងទីក្រុង Benguluru, Cairns, Chongqing, Darwin, Hiroshima, Hyderabad, Kathmandu, កូឡាឡាំពួរ, ប៉េណាំង, ភ្នំពេញ, ភូកេត និង Wuhan។
៦. Fiji Airways
បច្ចុប្បន្នក្រុមហ៊ុនអាកាសចរ Fiji Airways កំពុងប្រើប្រាស់យន្ដហោះ Boeing 737 MAX 8 ចំនួន ២គ្រឿងហើយបានបញ្ជាទិញ ៣គ្រឿងទៀតសម្រាប់ឆ្នាំ ២០១៩នេះ។
៧. Icelandair
អាកាសចរ Icelandair អះអាងថាយន្ដហោះ Boeing 737 MAX 8 ទាំង៣គ្រឿងរបស់ខ្លួនដែលកំពុងដំណើរការមិនដែលមានបញ្ហា ឬគ្រោះថ្នាក់នោះទេ។
៨. Flydubai
អាកាសចរ Flydubai មានយន្ដហោះ Boeing 737 MAX 8 ចំនួន ១១គ្រឿងហើយនឹងបន្ដប្រើប្រាសវាដោយជឿជាក់លើប្រតិបត្តិការរបស់ក្រុមហ៊ុន។
៩. WestJet
ក្រុមហ៊ុនអាកាសចរកាណាដា WestJet និយាយថា Boeing 737 MAX 8 ទាំង ១៣គ្រឿងរបស់ខ្លួននឹងបន្ដធ្វើការហោះហើររបស់ខ្លួនជាធម្មតា។
១០. GOL Linhas Aereas
អាកាសចរប្រេស៊ីល GOL នឹងបន្ដការហោះហើរ Boeing 737 MAX 8 ទាំង ៧គ្រឿងរបស់ខ្លួនហើយបន្ដតាមដានការស៊ើបអង្កេតជាមួយ Boeing៕