អាជ្ញាធរដាក់ពាក្យមួយឃ្លាទៅកាន់យុវជនស្ម័គ្រចិត្តក្រោយឃើញប្រមូលសំរាមនៅប្រឡាយបឹងត្របែក

2019-03-16 05:01:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃនេះមានយុវជនមួយក្រុមបានស្ម័គ្រចិត្តសម្អាតប្រឡាយបឹងត្របែកក្នុងខណ្ឌចំការមន រាធានីភ្នំពេញ ហើយសកម្មភាពនេះអាជ្ញារខណ្ឌបានសម្ដែងការគាំទ្រ និងកំពុងដាក់គ្រឿងចក្រជួយសម្អាតដូចគ្នា។

(រូបភាព៖រដ្ឋបាលខណ្ឌចំការមន)

នៅលើទំព័រហ្វេសប៊ុករបស់ខ្លួននៅថ្ងៃនេះ រដ្ឋបាលខណ្ឌចំការមនបានលើកឡើងថាសំរាមក្នុងប្រឡាយបឹងត្របែកនេះកើតចេញពីប្រជាពលរដ្ឋមួយចំនួនតូចដែលមិនបានយល់ដឹងពីការវេចខ្ចប់ និងទុកដាក់សំរាមឲ្យបានត្រឹមត្រូវ។

ប្រភពខាងលើសរសេរថាអាជ្ញាធរគាំទ្រនូវសកម្មភាពរបស់យុវជនក្នុងការសម្អាតសំរាមក្នុងប្រឡាយបឹងត្របែកនេះ។ អាជ្ញាធរខណ្ឌចំការមនថាខ្លួនក៏បានសហការជាមួយមន្ទីរសាធារណការរាធានី ដាក់គ្រឿងចក្រជួយដឹកជញ្ជូន និងសម្អាតសំរាមនេះផងដែរ។

ប្រភពដដែលបញ្ជាក់ថាអាជ្ញាធរស្នើឲ្យពលរដ្ឋវេចខ្ចប់សំរាមឲ្យបានត្រឹមត្រូវទុកឲ្យក្រុមហ៊ុនសំរាមប្រមូលយកទៅចោល និងបញ្ឈប់រាល់សកម្មភាពបោះសំរាមចូលក្នុងប្រឡាយ ដើម្បីឲ្យមូលដ្ឋានមានសោភណ្ឌភាពស្រស់ស្អាត៕

អត្ថបទ៖ ទូច សុខា