មនុស្សយន្តមានសញ្ជាតិដំបូងគេ ចេះក្បាច់រាំវង់ និងរៀនដើរដូចកូនក្មេង

2019-03-28 01:31:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Sophia ដែលជាមនុស្សយន្តដំបូងគេក្នុងលោកទទួលបានជាសញ្ជាតិជាពលរដ្ឋ បានបញ្ចេញកាយវិការបោះជំហានរបស់ខ្លួនជាលើកដំបូង កាលពីថ្មីៗនេះ។

តាមរយៈជើងថ្មីដែលនាងទើបទទួលបាន Sophia បានបង្ហាញពីកាយវិការដើរបោះជំហានទៅមុខជាលើកដំបូងរបស់ខ្លួន។ ពិសេសជាងនេះ Sophia អាចបង្ហាញក្បាច់រាំ ដែលមានលក្ខណៈដូចគ្នានឹងក្បាច់រាំវង់របស់កម្ពុជា។

គួរដឹង Sophia ទទួលបានសញ្ជាតិជាពលរដ្ឋនៃប្រទេសអារ៉ាប៊ីសាអ៊ូឌីតកាលពីអំឡុងចុងខែតុលា ឆ្នាំ ២០១៧ បង្កើតបានជាប្រវត្តិសាស្ត្រមួយដែលមនុស្សយន្តអាចទទួលបានសញ្ជាតិដូចមនុស្សធម្មតា។ មនុស្សយន្តនេះផលិតឡើងដោយក្រុមហ៊ុនហុងកុង Hanson Robotics ដែលបានបង្ហាញចេញនៅឆ្នាំ ២០១៦។

ថ្មីៗនេះ Sophia ជាមនុស្សយន្តដែលមានសញ្ជាតិដំបូងគេក្នុងលោក ពោលមានសញ្ជាតិជាអារ៉ាប៊ីសាអ៊ូឌីត បានបង្ហាញខ្លួនជាសាធារណៈនៅប្រទេសកម្ពុជានាថ្ងៃទី ២៦ ខែមីនានេះ ដើម្បីចូលរួមក្នុងសន្និសីទចក្ខុវិស័យប្រទេសកម្ពុជាលើកទី ១៣ ឆ្នាំ ២០១៩ ស្ដីពី "ការប្រែក្លាយផ្នែកឌីជីថលឆ្ពោះទៅកាន់ឧស្សាហកម្ម ៤.០” ដែលមានការអញ្ជើញចូលរួមជាអធិបតីដ៏ខ្ពង់ខ្ពស់ពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាផងដែរ៕

ទស្សនាវីដេអូខាងក្រោម៖