ផ្អាកការងារសាស្ត្រាចារ្យច្បាប់ម្នាក់ ក្រោយសរសេររិះគន់ចាស់ដៃលើប្រធានាធិបតីចិន
- 2019-03-28 02:15:30
- ចំនួនមតិ 0 | ចំនួនចែករំលែក 0
ផ្អាកការងារសាស្ត្រាចារ្យច្បាប់ម្នាក់ ក្រោយសរសេររិះគន់ចាស់ដៃលើប្រធានាធិបតីចិន
ចន្លោះមិនឃើញ
សាស្ត្រាចារ្យផ្នែកច្បាប់នៅសកលវិទ្យាល័យដ៏ល្បីមួយក្នុងទីក្រុងប៉េកាំង ត្រូវបានផ្អាកការងារជាបណ្ដោះអាសន្ន និងដាក់ឲ្យស្ថិតក្រោមការស៊ើបអង្កេតក្រោយសរសេរអត្ថបទរិះគន់ប្រធានាធិបតីចិនលោក ស៊ី ជិងពីង។
យោងតាមមិត្តភ័ក្ដិជិតដិតឲ្យដឹងថា លោកសាស្ត្រាចារ្យ Xu Zhangrun នៃសកលវិទ្យាល័យ Tsinghua ត្រូវបានផ្អាកពីតួនាទីបង្រៀនទាំងអស់របស់លោកកាលពីចុងសប្ដាហ៍មុនរហូតដល់ពេលដែលការស៊ើបអង្កេតត្រូវបានបញ្ចប់។ អត្ថបទដ៏វែងរបស់សាស្ត្រាចារ្យរូបនេះក្រោមចំណងជើងថា "ការភ័យខ្លាចដែលខិតជិតមកដល់, ក្ដីសង្ឃឹមភ្លាមៗ” ដែលចេញផ្សាយកាលពីខែកក្កដាឆ្នាំ ២០១៨ បានរិះគន់ទៅលើការលុបចោលការកំណត់អាណត្តិប្រធានាធិបតីកាលពីដើមឆ្នាំ ២០១៨។
ការស៊ើបអង្កេតទៅលើសាស្ត្រាចារ្យរូបនេះ គឺជាសកម្មភាពចុងក្រោយបង្អស់ដែលរដ្ឋាភិបាលចិនបានចាត់ចែងដើម្បីគាបសង្កត់នូវសម្លេងឬមតិខុសគ្នាដែលផ្ទុយនឹងគោលនយោបាយរបស់បក្សកុម្មុយនិស្តកំពុងកាន់អំណាច៕