វាគ្មិនល្បីៗទាំង ១០ រូប នឹងមកចែករំលែកបទពិសោធន៍ក្នុង Startups Conference 2019

2019-03-28 06:40:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងបរិបទពិភពលោកកំពុងមានការប្រកួតប្រជែងខ្លាំងនេះ ការបង្កើតគំនិតអាជីវកម្ម និងនវានុវត្តន៍ជាគន្លឹះយ៉ាងសំខាន់ក្នុងការជំរុញឱ្យប្រទេសនីមួយមានលទ្ធភាពកាន់តែច្រើនដើម្បីធ្វើការប្រកួតប្រជែង។ លើសពីនេះទៅទៀត សម្រាប់ប្រជាជនម្នាក់ៗ ក៏អាចមានឱកាសក្នុងការផ្ដល់ការងារសម្រាប់ធនធានមនុស្សជំនាន់ថ្មីដើម្បីចូលរួមចំណែកបង្កើនចំណូល និងដោះស្រាយបញ្ហាសង្គមបានផងដែរតាមរយៈការចាប់ផ្តើមអាជីវកម្ម។

នៅកម្ពុជា ដែលជាប្រទេសកំពុងបោះជំហានឆ្ពោះទៅក្នុងបដិវត្តឧស្សាហកម្ម 4.0 និងជាសមាជិកនៃសហគមអាស៊ាន ការបង្កើតអាជីវកម្មថ្មី ជាចំណុចដែលយើងត្រូវការបំផុត។ បច្ចុប្បន្ននេះ យើងត្រូវការភាពម្ចាស់ការលើវិស័យពាណិជ្ជកម្ម និងសេដ្ឋកិច្ច ហេតុនេះការជំរុញ និងលើកទឹកចិត្តឱ្យមានការបង្កើតផលិតផល និងសេវាកម្មដោយខ្លួនឯង ជាការចូលរួមចំណែកដោះស្រាយបញ្ហាសង្គមប្រកបដោយប្រសិទ្ធភាព។ កម្ពុជាត្រូវការម្ចាស់អាជីវកម្មខ្លាំងៗ ដើម្បីផ្គត់ផ្គង់តម្រូវការប្រជាជននៅទូទាំងប្រទេស ដើម្បីកាត់បន្ថយការហូរចូល និងពឹងផ្អែកតែលើផលិតផល ឬសេវាកម្មពីខាងក្រៅ។

ដោយមើលឃើញពីតម្រូវការចាំបាច់ និងភាពសំខាន់ នៃការចាប់ផ្ដើមអាជីវកម្ម (Startups) សហគមន៍ Daily Plus Community បានសហការជាមួយដៃគូសំខាន់ៗ បង្កើតឡើងជាកម្មវិធី Startups Conference 2019 ដើម្បីផ្តល់ឱកាសឱ្យប្រជាជនកម្ពុជា ទទួលបានបទពិសោធន៍ និងគន្លឹះល្អៗពីសហគ្រិនកម្ពុជាដែលបានបង្កើតអាជីវកម្មជោគជ័យក្នុងទីផ្សារកម្ពុជា។ ប្រយោជន៍សំខាន់មួយផ្សេងទៀតនោះគឺ គន្លឹះទាំងអស់នេះជាមេរៀនដែលត្រូវជាមួយនឹងបរិបទកម្ពុជា ព្រោះសហគ្រិនទាំងអស់នោះសុទ្ធតែធ្លាប់ឆ្លងកាត់ឧបសគ្គជាក់ស្តែង កសាងភាពរឹងមាំផ្នែកអាជីវកម្មនៅក្នុងប្រទេសតាំងពីតូចរហូតដល់រីកចម្រើនដូចបច្ចុប្បន្ននេះ។

វាគ្មិនសំខាន់ៗដែលចូលរួមក្នុងកម្មវិធីនេះគឺ៖

១. លោក សោម សម្បត្តិ, អគ្គនាយកក្រុមហ៊ុន Campaint

២. លោកឧកញ៉ា ជា ដែន, ប្រធានសមគមន៏ទីផ្សារកម្ពុជា

៣. លោក កែវ ឡង់ឌី, អគ្គនាយកក្រុមហ៊ុន ស្រមោច ឌ្រេតឌីង សូលូសិន

៤. លោក ង៉ែត ជូ, ក្រុមប្រឹក្សាភិបាលនៃ មិត្តជួយមិត្ត

៥. អ្នកស្រី គង់ សុរីតា, អគ្គនាយកនៃ Ocean Technology Co. Ltd

៦. លោក លន់ បូរី, អគ្គនាយកនៃ 3G Agent

៧. លោក ម៉ៅ វិបុល, ម្ចាស់ហាង Brew House

៨. លោក ហាវ គង់ងី, អគ្គនាយកនៃ ផ្ទះតាមក្តីប្រាថ្នា

៩. លោក ធុល រឹទ្ធី, អគ្គនាយកនៃ Koompi

១០. លោក អ៊ីន ចន្ទ័ធារ៉ា, អគ្គនាយកនៃ Neal កម្មវិធីធ្វើឡើងនៅថ្ងៃទី០៧ ខែមេសា ឆ្នាំ២០១៩ នៅវិទ្យាស្ថានសហប្រតិបត្តិការកម្ពុជា-កូរ៉េ (CKCC) ចាប់ពីម៉ោង 08ព្រឹក ដល់ម៉ោង 05ល្ងាច ដែលក្នុងនោះក៏មានបញ្ចូលនូវទស្សនីយភាពល្ខោនខោលរបស់ខ្មែរផងដែរ។