១០សន្លឹកដ៏រំភើបនេះ ពេលកម្ពុជាឈ្នះម៉ាកាវ វគ្គជម្រុះ World Cup កាលឆ្នាំ២០១៥

2019-03-28 23:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិកម្ពុជាជិតដល់ពេលប្រកួតជម្រុះជើងឯកពិភពលោកឆ្នាំ២០២២ហើយដោយត្រូវចាប់ឆ្នោតប្រកួតជុំទី១នាថ្ងៃទី១៧ ខែមេសា ឆ្នាំ២០១៩ខាងមុខនេះ។ យ៉ាងណាមុនពេលការប្រកួតនេះមកដល់ Sabay រំលឹកអនុស្សាវរីយ៍កាលពីឆ្នាំ២០១៥ដែលជាពេលអ្នកគាំទ្របាល់ទាត់កម្ពុជាចាប់ផ្តើមគាំទ្រខ្លាំងបំផុត។

ពេលនោះកម្ពុជាធ្វើបានល្អក្នុងការប្រកួតវគ្គជម្រុះ World Cup 2018 ដែលប្រកួតជុំទី១ប្រចាំតំបន់អាស៊ី កម្ពុជាប៉ះម៉ាកាវ។ ប្រកួតជើងទី១ថ្ងៃទី១២ ខែមីនា ឆ្នាំ២០១៥ កម្ពុជាឈ្នះម៉ាកាវ ៣-០ នៅស្តាតចាស់។ កម្ពុជារកបាន៣គ្រាប់ដោយតារាឆ្នើម ចាន់ វឌ្ឍនាកា ២គ្រាប់ និងឃួន ឡាប៊ូរ៉ាវី១គ្រាប់។ ស្ទើរតែមិនជឿពេលនោះ អ្នកគាំទ្រជិត១ម៉ឺននាក់ចូលទស្សនាយ៉ាងច្រើនបំផុតរហូតពេញស្តាតតែម្តង។

នៅជើងទី២ កម្ពុជាបានស្មើម៉ាកាវ ១-១ នៅទឹកដីម៉ាកាវដែលពេលនោះ ធារី ចន្ថាប៊ីន ជាអ្នករកគ្រាប់បាល់ឲ្យកម្ពុជា។ សរុបទាំងពីរជើង កម្ពុជា ឈ្នះ ម៉ាកាវ ៤-១ ដើម្បីឡើងទៅជុំទី២ប្រចាំតំបន់អាស៊ី។ ខាងក្រោមនេះជារូបភាព១០សន្លឹកដែលអ្នកគាំទ្រចូលរួមទស្សនានៅស្តាតចាស់កាលពីថ្ងៃទី១២ ខែមីនា ឆ្នាំ២០១៥៕