ឡានវ៉ែន Lexus អាចបង្ហាញខ្លួនខែក្រោយនេះ នៅប្រទេសចិន

2019-03-31 05:44:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនរថយន្ត Lexus បានប្រកាសថានឹងចេញរថយន្តម៉ូដែលថ្មីនាខែក្រោយនេះក្នុងកម្មវិធីតាំងបង្ហាញរថយន្ត Shanghai Motor Show ឆ្នាំ ២០១៩ ហើយវិបសាយព័ត៌មានរថយន្ត Lexus Enthusiast ជឿជាក់ថាវានឹងជាប្រភេទរថយន្ត Minivan។

រូបភាព Concept

មានហេតុផលជាច្រើនដែលនាំឲ្យវិបសាយខាងលើជឿជាក់ថារថយន្ត Lexus ម៉ូដែលថ្មីជាប្រភេទរថយន្ត Minivan។ ហេតុផលដំបូងគឺ មានតែក្រុមហ៊ុន Lexus ប្រទេសចិន និង Lexus តៃវ៉ាន់តែប៉ុណ្ណោះ ដែលប្រកាសពីការបញ្ចេញរថយន្តម៉ូដែលថ្មី ហើយរថយន្តប្រភេទ Minivan នេះកំពុងត្រូវប៉ាន់ខ្លាំងនៅប្រទេសចិន រួមទាំងអាស៊ីអាគ្នេយ៍ផងដែរ។

ហេតុផលមួយទៀតគឺ ការប្រកាសរបស់ Lexus តៃវ៉ាន់ មានអមដោយពាក្យថា "The Luxury of Space” ហើយពាក្យ "Space” ប្រហែលជាចង់សំដៅលើរថយន្តដែលមានទំហំធំទូលាយ ស៊ីគ្នានឹងរថយន្ត Minivan ផ្ទាល់តែម្ដង។

វិបសាយរថយន្ត Lexus Enthusiast ក៏បានរំឭកថា Lexus បានចុះកម្មសិទ្ធិបញ្ញាលើម៉ូដែល LM 350 និង LM 300h កាលពីឆ្នាំមុន ហើយពាក្យពេញនៃពាក្យ LM នេះអាចជា "Lexus Minivan” ឬ "Luxury Minivan” ក៏ថាបាន៕

ប្រភព៖ Motor1 ប្រែសម្រួល៖ សុខហេង