ស្ងើចក្មេងប្រុសម្នាក់ដៃម្ខាងកាន់លុយ ម្ខាងកាន់មាន់សុំពេទ្យសង្គ្រោះកូនមាន់ដែលកង់ខ្លួនកិន
- 2019-04-07 05:12:38
- ចំនួនមតិ 0 | ចំនួនចែករំលែក 0
ស្ងើចក្មេងប្រុសម្នាក់ដៃម្ខាងកាន់លុយ ម្ខាងកាន់មាន់សុំពេទ្យសង្គ្រោះកូនមាន់ដែលកង់ខ្លួនកិន
ចន្លោះមិនឃើញ
ក្មេងប្រុសអាយុ ៦ ឆ្នាំម្នាក់មកពី Sairang ប្រទេសឥណ្ឌាបានធ្វើឲ្យអ្នកប្រើប្រាស់បណ្តាញសង្គមជាច្រើននាក់ចាប់ចិត្ត នៅពេលកុមារតូចព្យាយាមជួយសង្គ្រោះកូនមាន់ដែលរត់ចូលកង់របស់គេដោយចៃដន្យ។
Derek Lalchhanhima អាយុ៦ឆ្នាំត្រូវបានគេថតនៅពេលទៅដល់មន្ទីរពេទ្យ ដៃកាន់កូនមាន់ដែលផុតជីវិតទៅហើយ និង ដៃម្ខាងទៀតកាន់ក្រដាសប្រាប់ ១០ រូពី (ប្រហែល ៥០០ រៀល)។ នេះបើតាម AsiaOne រាយការណ៍។
យោងតាមសារព័ត៌មាន The News Mill ឪពុករបស់ក្មេងប្រុសនេះ គឺលោក Dhiraj Chhetri បាននិយាយថាកូនប្រុសរបស់គាត់បានសុំឱ្យជូនគេទៅមន្ទីរពេទ្យ។ ប៉ុន្តែគាត់បានប្រាប់ឲ្យកូនប្រុសគាត់ទៅដោយខ្លួនឯង។
ដោយមិនបង្អង់យូរ កុមារតូចបានកាន់កូនមាន់អ្នកជិតខាងដែលងាប់ទៅហើយ ជាមួយនឹងលុយ ១០ រូពីទៅមន្ទីរពេទ្យដែលនៅក្បែរ។
ក្រោយមកក្មេងប្រុសបានត្រឡប់មកផ្ទះវិញ យំខ្សឹកខ្សួល ហើយបាននិយាយថា ពេទ្យមិនអាចជួយកូនមាន់បានទេ។ ផ្ទុយទៅវិញ បានត្រឹមថតរូបគាត់។
បន្ទាប់មកឪពុករបស់ Derekបានពន្យល់ប្រាប់កូនថា កូនមាន់បានស្លាប់ហើយ រីឯមន្ទីរពេទ្យក៏មិនអាចធ្វើអ្វីបានដើម្បីស្តារជីវិតវាឡើងវិញដែរ។
ឪពុករបស់ Derek បានកត់សម្គាល់ថា លោកមានការភ្ញាក់ផ្អើលដោយឃើញការអាណិតបែបនេះមាននៅក្នុងខ្លួនកូនប្រុសរបស់លោក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
