Microsoft ប្រាប់ឲ្យដក Flash ឆៅៗទៅ កុំបាច់តិបតុបដូចមុនអី
- 2019-04-09 03:48:02
- ចំនួនមតិ 0 | ចំនួនចែករំលែក 0
Microsoft ប្រាប់ឲ្យដក Flash ឆៅៗទៅ កុំបាច់តិបតុបដូចមុនអី
ចន្លោះមិនឃើញ
កន្លងមកមានការចែករំលែកតៗគ្នា ថាមុននឹងដក Flash ចេញពីកុំព្យូទ័រគួរតែចុចលើពាក្យ Eject ជាមុនសិន ដើម្បីអាចដក Flash បានដោយសុវត្ថិភាព ធានាថាគ្មានបញ្ហាអ្វីកើតឡើង។ ប៉ុន្តែពេលនេះ Microsoft បានចេញមុខប្រកាសថា ជាមួយប្រព័ន្ធប្រតិបត្តិការ Windows 10 អ្នកមិនបាច់ធ្វើរឿងបែបនេះនោះទេ។
Windows 10 Version 1809 មានមុខងារមួយឈ្មោះថា "Quick Removal” ដែលអាចឲ្យអ្នកដក Flash ចេញពេលណាក៏បាន (ដរាបណាអ្នកមិនប្រើ Flash នោះក្នុងការចម្លងចេញឬចម្លងចូល)។ តាមពិតមុខងារនេះមានតាំងពីខែតុលាឆ្នាំមុនមកម្ល៉េះ ប៉ុន្តែពេលនេះក្រុមហ៊ុន Microsoft បានបញ្ចេញវាឲ្យប្រើប្រាស់កាន់តែទូលំទូលាយបន្ថែមទៀត។
ដូចនេះសម្រាប់ Windows 10 មុននឹងដក Flash ចេញ អ្នកមិនចាំបាច់ចុចលើពាក្យ "Eject” ទៀតនោះទេ ប៉ុន្តែត្រូវប្រាកដថា Flash នោះមិនស្ថិតក្នុងដំណើរការនៃការចម្លងចេញ/ចម្លងចូលនោះឡើយ៕
ចុចអាន៖