De Gea ជេរស្ដីខ្លួនឯងធ្វើមិនបានល្អ បំផ្លាញក្ដីស្រមៃរបស់ Man Utd
- 2019-04-18 07:52:59
- ចំនួនមតិ 0 | ចំនួនចែករំលែក 0
De Gea ជេរស្ដីខ្លួនឯងធ្វើមិនបានល្អ បំផ្លាញក្ដីស្រមៃរបស់ Man Utd
ចន្លោះមិនឃើញ
អ្នកចាំទី David de Gea បានសូមទោសទៅកាន់មិត្តរួមក្រុម Manchester United បន្ទាប់ពីធ្វើមិនបានល្អនៅកីឡដ្ឋាន Nou Camp កាលពីដើមសប្ដាហ៍កន្លងទៅ។
អ្នកចាំទីរបស់អេស្ប៉ាញវ័យ២៨ឆ្នាំបានបង្កើតកំហុសយ៉ាងធ្ងន់ធ្ងរ បន្ទាប់ឲ្យ Lionel Messi ទាត់ចូលគ្រាប់ទីពីរយ៉ាងងាយតាមក្រោមខ្លួនរបស់គេ ជួយ Barca ឈ្នះសរុបទាំងពីរជើង ៤-០។ De Gea មិនអាចធ្វើអ្វីបានឡើយសម្រាប់គ្រាប់ទីមួយរបស់ Messi ហើយដូចគ្នានេះគេក៏មិនអាចសង្គ្រោះបាល់ពីការទាត់របស់ Philippe Coutinho បានដែរ។
De Gea មិនអាចលើកលែងទោសឲ្យខ្លួនឯងបានឡើយ ក្រោយផ្ដល់កាដូទៅកាន់ Messi ជាពិសេសវាហាក់ដូចជាបំផ្លាញក្ដីស្រមៃរបស់មិត្តរួមក្រុមទាំងមូលក្នុងការឈានទៅកាន់វគ្គពាក់កណ្ដាលផ្ដាច់ព្រ័ត្រ។ អតីតអ្នកចាំទីរបស់ Atletico Madrid បាននិយាយសូមទោសស្ទើរតែគ្រប់នាទីនៅក្នុងបន្ទប់ផ្លាស់ខោអាវ និងនិយាយថា ក្រុមអាចនឹងឈ្នះ ប្រសិនគ្មានកំហុសរបស់គេ៕