គ្រូពេទ្យចិត្តធម៌ និយាយបែបនេះត្រូវចិត្តមហាជនតែម្ដង...

2019-04-24 03:14:57
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូពេទ្យចិត្តធម៌ដែលតែងតែជួយព្យាបាលអ្នកប្រដាល់កន្លងមក ថាក្នុងនាមជាពេទ្យកុំគិតតែលុយពេក បើអ្នកជំងឺមករកការព្យាបាលហើយសូមជួយគ្នាសិនទៅចាំគិតគូរក្រោយ នេះបានសមជាពេទ្យមានវិជ្ជាជីវៈ។

គ្រូពេទ្យ ម៉ុត ណូវែល កំពុងព្យាបាលតាធាក់ស៊ីក្លូ

លោក ម៉ុត ណូវែល គ្រូពេទ្យប្រចាំ Clinic ឯកជនមួយបានឲ្យដឹងថា អ្វីដែលខ្លួនបានជួយដល់កីឡាករប្រដាល់ ឬអ្នកសុំទាន តាធាក់ស៊ីក្លូកន្លងមកនេះ គឺដោយសារចិត្តអាណិតដោយឃើញពីភាពលំបាកពិតប្រាកដ ចង់ជួយដោះស្រាយមួយគ្រាតាមដែលអាចធ្វើទៅបាន។

កីឡាករ ឈឿន ឆៃដែន

គ្រូពេទ្យដែលមានការគោរពខ្លាំងពីអ្នកប្រដាល់ច្រើនរូបនេះ ផ្ដាំផ្ញើដល់ពេទ្យមួយចំនួនដែរថា កុំគិតតែរឿងលុយពេក ទាល់តែបានលុយបានព្យាបាល បើមិនមានលុយមិនព្យាបាល នេះជាទង្វើមិនល្អនោះឡើយ មិនមែនជាគ្រូពេទ្យនោះឡើយ។ លោកបញ្ជាក់ទៀតថា«គ្រូពេទ្យ ត្រូវចេះអាណិតស្រឡាញ់អ្នកជំងឺ គ្រូពេទ្យត្រូវជួយព្យាបាលអ្នកជំងឺ»។

គ្រូពេទ្យ ម៉ុត ណូវែល

លោក ម៉ុត ណូវែល ជាគ្រូពេទ្យប្រចាំ Clinic ឯកជនមួយកន្លែងនៅក្នុងខណ្ឌឫស្សីកែវ រាជធានីភ្នំពេញ។ គ្រូពេទ្យរូបនេះតែងតែជួយព្យាបាលអ្នកប្រដាល់នាពេលកន្លងមក មិនថារបួសពីការឡើងប្រកួតឬមានជំងឺធម្មតាក៏ដោយ៕

អត្ថបទ៖ នួន ស៊ីណា