ចេញតម្លៃ OnePlus 7 Pro មាន RAM 12GB ថ្លៃមិនចាញ់ iPhone និង Samsung ទេ

2019-04-25 03:37:41
ចំនួនមតិ 0 | ចំនួនចែករំលែក 0

ចន្លោះមិនឃើញ

តម្លៃផ្លូវការរបស់ OnePlus 7 Pro ត្រូវបានបង្ហាញចេញ មុនការប្រកាសចេញជាសាធារណៈនូវស្មាតហ្វូនកំពូលនេះ ដែលនឹងធ្វើឡើងនាថ្ងៃ ១៤ ខែឧសភា ខាងមុខនេះ។

តាមការលេចចេញកន្លងមក OnePlus 7 Pro នឹងមានចែកចេញជា ៣ ប្រភេទគឺប្រភេទ RAM ទំហំ ៦ GB/អង្គផ្ទុក ១២៨ GB, ប្រភេទ RAM ទំហំ ៨ GB/អង្គផ្ទុក ២៥៦ GB និងប្រភេទ RAM ទំហំ ១២ GB/អង្គផ្ទុក ២៥៦ GB។

ចំពោះប្រភេទ RAM ទំហំ ១២ GB មានតម្លៃ ៨១៩ ផោន (ប្រមាណ ១ ០៥៧ ដុល្លារ) ហើយប្រភេទ RAM ទំហំ ៨ GB តម្លៃ ៧៤៩ ផោន (ប្រមាណ ៩៦៦ ដុល្លារ)។ សម្រាប់ប្រភេទ RAM ទំហំ ៦ GB គេមិនទាន់ច្បាស់អំពីតម្លៃនោះទេ ប៉ុន្តែរំពឹងថាមានចន្លោះពី ៦៧៩ ផោន ទៅ ៦៩៩ ផោន។ បញ្ជាក់ថានេះជាតម្លៃលើទីផ្សារអឺរ៉ុប ហើយនៅលើទីផ្សារសហរដ្ឋអាមេរិកអាចមានតម្លៃធូរជាងនេះ ដោយរក្សាតួលេខដដែលគ្រាន់តែប្ដូររូបិយប័ណ្ណ ពោល ៨១៩ ផោន អាចប្រែទៅជា ៨១៩ ដុល្លារ។

លក្ខណៈសម្បត្តិមួយចំនួនរបស់ OnePlus 7 Pro ដែលគេដឹងនាពេលនេះគឺមានដូចជាអេក្រង់រាងកោងទំហំ ៦,៧ អ៊ីញ អាចបង្ហាញរូបក្នុងកម្រិត 3120x1440 និងមាន Refresh Rate រហូតដល់ ៩០ Hz លើសពីស្មាតហ្វូនកំពូលដទៃ។ កាមេរ៉ា Selfie ដែលបង្កប់ក្នុងតួខ្លួនមានកម្រិត ១៦ MP ហើយកាមេរ៉ាក្រោយមានចំនួន ៣ គ្រាប់ ដែលជាប្រភេទធម្មតា, Super-Wide-Angle និងកាមេរ៉ា Zoom បានបីដងជាដើម៕

ចុចអាន ៖

ប្រភព៖ PhoneArena ប្រែសម្រួល៖ សុខហេង