Galaxy Note10 មានញាត់ថ្មទំហំដល់ ៤៥០០ mAh

2019-04-29 02:07:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងលេចឮកន្លងមកបានឲ្យដឹងថា Samsung នឹងប្រកាសចេញ Galaxy Note10 រហូតដល់ ៤ ម៉ូដែលឯណោះ ដោយពីរប្រភេទប្រើសេវា 4G និងពីរប្រភេទទៀតប្រើសេវា 5G។ ពេលនេះមានការលេចចេញព័ត៌មានបន្ថែមទៀតទាក់ទងនឹងត្រកូល Note ជំនាន់ថ្មីនេះ។

Galaxy Note9

លក្ខណៈសម្បត្តិរបស់ Note ជំនាន់ថ្មី ត្រូវបានទម្លាយតាមរយៈរូបភាពមួយសន្លឹក ដែលគេអះអាងថាជារូបភាពនៃថ្មទំហំ ៤៥០០ mAh សម្រាប់បំពាក់លើ Galaxy Note ជំនាន់ថ្មី។ ថ្មនេះដែរអាចនឹងបំពាក់លើ Galaxy Note10 Pro ដែលប្រើប្រាស់សេវា 4G ហើយវាប៉ុននឹងទំហំថ្ម Galaxy S10 5G ដែរ។

បើមើលឲ្យជាក់ទៅ គេសង្កេតឃើញលេខម៉ូដែល EB-BN975ABU ដែលអាចមានទំនាក់ទំនងនឹងលេខម៉ូដែល SM-N975 ដែលតំណាងឲ្យ Galaxy Note10 Pro។ គេថែមទាំងដឹងទៀតថា Galaxy Note10 Pro អាចបញ្ជូនចរន្តបាន ២៥ វ៉ាត់ ខ្លាំងជាងត្រកូល Galaxy S10 ដែលមានត្រឹម ១៥ វ៉ាត់ប៉ុណ្ណោះ។

គេរំពឹងថា Samsung នឹងប្រកាសចេញ Galaxy Note ជំនាន់ថ្មី នៅអំឡុងខែសីហាខាងមុខនេះ ដូចការប្រកាសកាលពីឆ្នាំមុនៗដែរ៕

ចុចអាន៖

ប្រភព៖ PhoneArena | GSMarena ប្រែសម្រួល៖ សុខហេង