ឡានរបស់ Iron Man មិនប្រើសាំង ស្ទុះដល់ ១០០ គ.ម/ម៉ ក្នុងពេលត្រឹម ៣,៥ វិនាទិ
- 2019-04-29 04:06:55
- ចំនួនមតិ 0 | ចំនួនចែករំលែក 0
ឡានរបស់ Iron Man មិនប្រើសាំង ស្ទុះដល់ ១០០ គ.ម/ម៉ ក្នុងពេលត្រឹម ៣,៥ វិនាទិ
ចន្លោះមិនឃើញ
ក្នុងឱកាសចាក់បញ្ចាំងលើកដំបូង (Premiere) នៃខ្សែភាពយន្ត Avengers: Endgame នៅទីក្រុង Los Angeles សហរដ្ឋអាមេរិកកាលពីថ្មីៗកន្លងទៅនេះ គេប្រទះឃើញ Robert Downey Jr. ដែលសម្ដែងជាតួ Iron Man/Tony Stark បានបង្ហាញមុខជាមួយរថយន្ត Audi e-tron GT។
រថយន្ត Audi e-tron GT គឺជាប្រភេទរថយន្តគំរូប្រើប្រាស់ថាមពលអគ្គិសនីសុទ្ធសាធ ដែលបានបង្ហាញមុខលើកដំបូងក្នុងកម្មវិធី Los Angeles Auto Show ឆ្នាំ ២០១៨ ហើយវាក៏មានបង្ហាញមុខក្នុងខ្សែភាពយន្ត Avengers: Endgame នេះផងដែរ។
រថយន្តនេះមានបំពាក់នូវអាគុយដែលអាចផ្ទុកថាមពលបាន ៩០ គីឡូវ៉ាត់ម៉ោង អាចសាកថ្មបានលឿន (ពី ០% ដល់ ៨០% ប្រើពេលត្រឹម ២០ នាទី) និងអាចសាកថ្មដោយឥតប្រើខ្សែទៀតផង។ Audi បានប៉ាន់ស្មានថារថយន្ត e-tron GT នេះអាចជិះបានចម្ងាយប្រមាណ ៤០០ គ.ម ពេលសាកបំពេញម្ដងៗ។
មិនត្រឹមតែបើកបរបានឆ្ងាយនោះទេ រថយន្តនេះក៏មានកម្លាំងខ្លាំងផងដែរ។ ម៉ូទ័រអគ្គិសនីភ្លោះដែលបំពាក់លើរថយន្ត Audi មួយនេះ អាចបង្កើតកម្លាំងបាន ៥៨២ សេះ ប្រើប្រព័ន្ធបើកបរវិលកង់បួន ហើយអាចឲ្យរថយន្តបង្កើនសន្ទុះពី ០ ដល់ ១០០ គ.ម/ម៉ ក្នុងពេលត្រឹម ៣,៥ វិនាទី ជាមួយល្បឿនអតិបរមា ២៤០ គ.ម/ម៉។
គួរដឹងថា Audi បានបញ្ចេញត្រកូលរថយន្ត e-tron នេះតាំងពីឆ្នាំ ២០០៩ មកម្ល៉េះ។ រយៈពេល ១០ ឆ្នាំក្រោយ រថយន្ត e-tron ម៉ូដែល e-tron Quattro បានចូលក្នុងសង្វាក់ផលិតកម្មជាលើកដំបូង ពោលនៅឆ្នាំ ២០១៩ ផ្ទាល់តែម្ដង៕
ចុចអាន៖