អាជីវកម្មនឹងរលំរលាយមិនដឹងខ្លួន បើគ្មានចំណេះដឹងគ្រប់គ្រងឃ្លាំងទំនិញបានត្រឹមត្រូវ

2019-05-04 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកបអាជីវកម្មដើរដោយរលូន ចាំបាច់ត្រូវមានការរៀបចំទុកជាមួយយុទ្ធសាស្ត្រ និងការអនុវត្តជាក់ស្ដែងឲ្យបានខ្ជាប់ខ្ជួន។ ស្របគ្នានេះ គេតែងមើលឃើញថា ការចាប់ផ្ដើមចេញរកស៊ីដំបូងៗ អាចនឹងប្រឈមការខាតបង់ខ្ពស់ ដោយសារគ្មានរបាយការណ៍ប្រតិបត្តិត្រឹមត្រូវទៅលើចំណូលចំណាយ និងការគ្រប់គ្រងទំនិញ។ នេះជាដើមចងមួយនៃបញ្ហាអាជីវកម្ម ដែលអ្នកជំនាញណែនាំឲ្យម្ចាស់អាជីវកម្មគ្រប់រូប គួរគិតជាមុនពីការរៀបចំស្តុកទំនិញឲ្យមានប្រសិទ្ធភាព។

រូបតំណាង

លោក ទិត្យ សិលា គ្រូបង្វឹកជំនាញផ្នែកគ្រប់គ្រងសង្វាក់ផលិតផលកម្ម និងឡូជីស្ទីក (Logistics) បានលើកឡើងថា រាល់ទំនិញថ្មី-ចាស់ចាំបាច់ត្រូវការឃ្លាំងសម្រាប់ស្តុក ដែលវាជាផ្នែកមួយយ៉ាងសំខាន់នៅក្នុងអាជីវកម្ម បើគ្មានឃ្លាំងទំនិញទេ ម្ចាស់អាជីវកម្មនឹងប្រឈមមុខពីភាពមិនច្បាស់លាស់ ភាពអសកម្មនៅក្នុងមុខជំនួញ និងការផ្គត់ផ្គង់មិនទាន់ពេលវេលានៅក្នុងទីផ្សារ។

លោក ទិត្យ សិលា

ជារឿយៗបញ្ហាចម្បងធំៗចំនួន៤ ដែលម្ចាស់អាជីវកម្មតែងជួបប្រទះនៅក្នុងការគ្រប់គ្រងឃ្លាំងទំនិញ គឺ ទី១ ទំនិញនៅក្នុងឃ្លាំងជាក់ស្ដែង និងក្នុងបញ្ជីមិនសមាមាត្រគ្នា។ ទី២ ការប្រើប្រាស់ពេលវេលាយូរក្នុងការស្វែងរកទំនិញសម្រាប់ប្រគល់ឲ្យភ្ញៀវ។ ទី៣ ឃ្លាំងទំនិញធំ ប៉ុន្តែដាក់ទំនិញបានតិច និងប្រតិបត្តិការមានសភាពយឺតយ៉ាវ។ ទី៤ មិនមានទីកន្លែងសម្រាប់ដាក់ទំនិញថ្មីដែលចូលមកក្នុងស្ដុក។

លោកបានលើកឡើងថា ជាដោះស្រាយរាល់បញ្ហាដែលកើតមានឡើងទាំងនេះ ម្ចាស់អាជីវកម្ម ត្រូវមានផែនការច្បាស់លាស់ពីទីតាំងឃ្លាំងទំនិញ បរិមាណទំនិញនៅក្នុងឃ្លាំង មធ្យោបាយក្នុងការលើកដាក់ទំនិញ យល់ច្បាស់ពីទីផ្សារផ្គត់ផ្គង់ទំនិញ និងធនធានមនុស្សក្នុងការគ្រប់គ្រងឃ្លាំង។

ដើម្បីស្វែងយល់បន្ថែមពីដំណោះស្រាយបញ្ហានៃការគ្រប់គ្រងឃ្លាំងទំនិញឲ្យមានប្រសិទ្ធភាព និងមានរបាយការណ៍ចំណូលចំណាយច្បាស់លាស់ លោកអាចចូលរួមវគ្គសិក្សាខ្លី «ការគ្រប់គ្រងឃ្លាំង» (Warehouse Management) ចំនួន 0២ ថ្ងៃ គឺនៅថ្ងៃទី ២៤-២៥ ខែ ឧសភា ឆ្នាំ២០១៩ នៅឯមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC)។ សម្រាប់ព័ត៌មានបន្ថែម សូមចុចទីនេះ ៕

អត្ថបទ៖ ស៊ិន សាវ៉េត