ភ្ញាក់ផ្អើល! គ្រូ Liverpool នឹងដាក់យុវជនវ័យ ១៩ឆ្នាំ ឱ្យទម្លុះសំណាញ់ទី Barcelona

2019-05-07 08:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហង្សក្រហម Liverpool ត្រូវបើកទ្វាផ្ទះស្វាគមន៍ក្រុមភ្ញៀវ Barcelona ក្នុងជើងទី២ពានរង្វាន់ UEFA Champions League នៅម៉ោង២រំលងអាធ្រាត្រនេះ ដោយអវត្តមានកីឡាករសំខាន់២នាក់គឺ Salah និង Firmino ។

ការអត់មានខ្សែប្រយុទ្ធសំខាន់ដល់ទៅ២នាក់នេះ ធ្វើឱ្យលោក Klopp ត្រូវស្វែងរកប្រយុទ្ធថ្មី ដែលមានសមត្ថភាពគ្រប់គ្រាន់ក្នុងការវាយលុកទម្លាយសំណាញ់ទីក្រុមអ្នកមានបុណ្យឱ្យបាន។ ក្នុងនោះ អតីតអ្នកចាត់ការ Dortmund បានបញ្ជាក់ថាលោកនឹងប្រើខ្សែប្រយុទ្ធវ័យ១៩ឆ្នាំឱ្យបានលេង ក្នុងការប្រកួតសំខាន់នេះ។ Rhian Brewster ជាប់ឈុតធំតាំងពីឆ្នាំ២០១៧មក ប៉ុន្តែបានដូរចូលលេងតែ១ប្រកួតប៉ុណ្ណោះ កាលពីឆ្នាំ២០១៧កន្លងទៅ។

ត្បិតតែយ៉ាងនេះមែន លោក Klopp បានបញ្ជាក់ថាកីឡាករអង់គ្លេសខាងលើនេះត្រៀមខ្លួនរួចរាល់ហើយសម្រាប់ការប្រកួតធំ។ លោកធានាថារូបគេនឹងមានឱកាសបានលេង ព្រោះក្នុងស្ថានភាពនេះក្រុមត្រូវការកីឡាករប្រយុទ្ធ ដើម្បីស្វែងរកគ្រាប់បាល់។

ក្រុម Liverpool ត្រូវការគ្រាប់បាល់៤គ្រាប់ និងបិទមិនឱ្យ Barcelona ស៊ុតចូលឡើយ ទើបពួកគេអាចឡើងទៅវគ្គបន្ដបាន។ កត្តានេះហើយ បានធ្វើឱ្យអ្នកវិភាគបាល់ទាត់ជាច្រើន គិតថាពិបាកខ្លាំង ព្រោះឈ្នះច្រើនគ្រាប់យ៉ាងនេះ ក្រុម Barcelona ប្រហែលមិនភ្លាត់ឱ្យហង្សស៊ុតបានងាយៗនោះទេ៕

ប្រភព៖ BBC ប្រែសម្រួល៖ មុន្នីរម្យ