ដំបូងក្នុងប្រវត្តិសាស្ត្រ ក្រុមអង់គ្លេសទាំង៤ ឡើងផ្ដាច់ព្រ័ត្រ ពានធំទាំង២នៅអឺរ៉ុប
- 2019-05-10 01:30:05
- ចំនួនមតិ 0 | ចំនួនចែករំលែក 0
ដំបូងក្នុងប្រវត្តិសាស្ត្រ ក្រុមអង់គ្លេសទាំង៤ ឡើងផ្ដាច់ព្រ័ត្រ ពានធំទាំង២នៅអឺរ៉ុប
ចន្លោះមិនឃើញ
ក្រុមកាំភ្លើងធំ Arsenal និង Chelsea បានកក់កៅអីឡើងវគ្គផ្ដាច់ព្រ័ត្រ Europa League ហើយ ក្រោយពីយកឈ្នះដៃគូរៀងខ្លួនកាលពីយប់មិញនេះ។
Arsenal បានយកឈ្នះម្ចាស់ផ្ទះ Valencia ក្នុងលទ្ធផល ៤-២ សម្រាប់ជើងទី២ទៀត ខណៈដែលជើងទី១កន្លងទៅ ពួកគេបានយកឈ្នះក្នុងលទ្ធផល ៣-១ រួចទៅហើយ។ សរុបទាំងពីរជើងមក Arsenal ជាក្រុមឡើងទៅវគ្គផ្ដាច់ព្រ័ត្រដោយយកឈ្នះក្រុម Valencia ក្នុងលទ្ធផល ៧-៣។
សម្រាប់ក្រុម Chelsea វិញ ហាក់តឹងតែងបន្តិចដោយពួកគេត្រូវទាត់បាល់ប៉េណាល់ទីកាត់សេចក្ដី ទើបអាចឡើងវគ្គបន្ដបាន។ កាលពីជើងទី១ ក្រុម Chelsea បានស្មើ Eintracht ១ទល់នឹង១ ខណៈដែលជើងទី២យប់មិញនេះពួកគេក៏នៅតែស្មើគ្នា ១-១ ទៀត។ លទ្ធផលនេះ តម្រូវឱ្យពួកគេត្រូវទាត់បាល់ប៉េណាល់ទីកាត់សេចក្ដីហើយ។ ជាលទ្ធផល ក្រុម Chelsea បានយកឈ្នះលើក្រុម Eintracht ដោយបាល់ ៤-៣។
បើយោងតាមអ្វីដែលពួកគេធ្វើបាន អង់គ្លេសនៅឆ្នាំនេះជា King នៅអឺរ៉ុបហើយ។ ដោយពាន UEFA Champions League គឺក្រុម Liverpool ប៉ះក្រុម Spurs ខណៈ ដែលពាន Europa League វិញ គឺក្រុម Chelsea ប៉ះ Arsenal៕