Mkhitaryan អត់របួសទេ តែក៏មិនមានវត្តមានក្នុង Final នៃ UEL ដែរ

2019-05-21 11:19:03
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលអម្បាញ់មិញនេះ Arsenal បានប្រកាសថា ខ្សែបម្រើសញ្ជាតិអាមិននៀរបស់ខ្លួនកីឡាករ Henrikh Mkhitaryan នឹងមិនធ្វើដំណើរទៅកាន់ទីក្រុងបាគូ ប្រទេសអាហ្សេបៃហ្សង់ ដើម្បីជួយក្រុមក្នុងវគ្គផ្ដាច់ព្រ័ត្រនៃ UEFA Europa League ទេ ក្រោមហេតុផលសុវត្ថិភាពរបស់កីឡាករ។

ក្លឹបបានចេញសេចក្ដីថ្លែងការណ៍ថា ក្លឹបបានរិះរកគ្រប់មធ្យោបាយអស់ហើយ ដើម្បីធានាសុវត្ថិភាពរបស់ Mkhitaryan ប៉ុន្តែក្រោយពីពិភាក្សាជាមួយក្រុមគ្រួសាររបស់គេ ក្លឹបបានយល់ព្រមថា Mkhitaryan នឹងមិនធ្វើដំណើរទៅកាន់ទីក្រុងបាគូទេ។

ក្លឹបមានការសោកស្ដាយចំពោះអវត្តមាននេះ ហើយក៏បានសរសេរទៅកាន់សហភាពនៃសមាគមបាល់ទាត់ទ្វីបអឺរ៉ុប (UEFA) ដោយបង្ហាញពីក្ដីព្រួយបារម្ភអំពីស្ថានភាពនេះ។

ប្រទេសអាហ្សេបៃហ្សង់ និងប្រទេសអាមិននៀ (Armenia) កំពុងស្ថិតក្នុងស្ថានភាពប្រឈមមុខនឹងគ្នា ពាក់ព័ន្ធនឹងជម្លោះទឹកដីរ៉ាំរ៉ៃ។ ប្រទេសអាហ្សេបៃហ្សង់ហាមប្រាម ប្រជាពលរដ្ឋអាមិននៀមិនឲ្យចូលក្នុងទឹកដីរបស់គេ។

យ៉ាងណាក៏ដោយ ប្រទេសអាហ្សេបៃហ្សង់បានផ្ដល់ទិដ្ឋាការ (Visa) ឲ្យអត្តពលិកអាមិននៀដែរ ប៉ុន្តែដោយបារម្ភពីសុវត្ថិភាពទើបកីឡាករមួយចំនួនសម្រេចចិត្តមិនលេងប្រកួតក្នុងទឹកដីអាហ្សេបៃហ្សង់៕

អានបន្ត៖

ប្រភព៖ arsenal អត្ថបទ៖ សេរី មង្គល