Giroud បន្តកុងត្រាជាមួយ Chelsea

2019-05-21 12:49:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Chelsea បានបន្តកុងត្រាឲ្យខ្សែប្រយុទ្ធបារាំងកីឡាករ Olivier Giroud រយៈពេល ១ឆ្នាំ ពោលគឺដល់ឆ្នាំ២០២០។

មុនពេលបន្តកុងត្រានេះ Giroud ត្រូវបានពាក្យចចាមអារ៉ាមមួយចំនួនលើកឡើងថា រូបគេពិចារណាចាកចេញពីក្លឹប Chelsea ក្នុងរដូវក្ដៅ ដោយសារតែបានម៉ោងលេងតិចពេក។ រូបគេបានចាប់ផ្ដើមជម្រើសដំបូងតែ ៧លើកប៉ុណ្ណោះក្នុង Premier League រដូវកាល ២០១៨/១៩នេះ។

យ៉ាងណាមិញ រូបគេបានប្ដូរចូលជាញឹកញាប់ ដែលធ្វើឲ្យរូបគេលេងបាន ៦២ប្រកួត និងរកបាន ១៧គ្រាប់ គ្រប់កម្មវិធីរបស់ក្លឹប Chelsea ក្រោយពីចែកផ្លូវជាមួយ Arsenal កាលពីខែមករា ឆ្នាំ២០១៨។

នៅរដូវកាលនេះដែរ Giroud រកបាន ១០គ្រាប់ក្នុងក្របខ័ណ្ឌ UEFA Europa League ដែលជាកីឡាករ Chelsea ដំបូងគេក្នុងប្រវត្តិសាស្ត្រដែលធ្វើបានដូច្នេះ។ ក្រៅពីនេះ រូបគេក៏បានជួយក្លឹបឲ្យឡើងវគ្គផ្ដាច់ព្រ័ត្រក្របខ័ណ្ឌលំដាប់ទី ២ អឺរ៉ុប ដែលនឹងត្រូវប៉ះនឹង Arsenal ក្នុងថ្ងៃទី២៩ ខែឧសភា ខាងមុខនេះ៕

អានបន្ត៖

ប្រភព៖ chelseafc អត្ថបទ៖ សេរី មង្គល